4472/2025-2026

Aizawl, the 14th February, 2026: Mizoram Sawrkar Sports & Youth Services Department leh Innovations India tangkawpin "Connecting India, Developing Mizoram, Empowering Sports" tih thupui hmanga an buatsaih 2nd Aizawl International Half Marathon (AIHM) chu vawiin khan Rajiv Gandhi Stadium, Mualpui, Aizawlah Larsap General (Dr) Vijay Kumar Singh, PVSM, AVSM, YSM (Retd), AIHM 2026 Patron ni bawk chuan telpuiin, marathon-a tlante a vailiam bakah kharna hun Khuallian niin a hmanpui.

Larsap General (Dr) Vijay Kumar Singh (Retd) chuan hlawhtling taka Aizawl International Half Marathon tum hnihna buatsaih a ni chu lawmawm a tih thu sawiin, India ram hmun hrang hrang bakah ram dang atanga rawn tel engemawzat an awm chu fakawm tiin, hei hian AIHM chu khawvel huap a nih zia a lantir a, a than chak zia leh khawvel ang pawha hriat a hlawh zia a lantir a ni, a ti a. AIHM chu Mizoram mawina leh boruak thianghlim phochhuahna hun remchang a nih thu sawiin, hmun dang atanga lokalte chu khualtha an nih tel thu a sawi a. Mizoram an cham chhunga hun hlimawm tak hmang tura duhsakna hlanin, nakum lamah pawh thiante, chhungte leh infiammi dangte nen marathon tlan tur chauh ni lo, Mizoram belchiang tura lokal leh ngei turin a sawm a ni.

AIHM 2026 Patron ni bawk General (Dr) Vijay Kumar Singh chuan marathon chu nikhat thilthu atan mai nilo nakin zel atan pawha nun kaihruaituah tang se a duh tih sawiin, Mizoram thalaite'n nun kawng leh taksa hrisel an neih theih nana fuih phurtu a nih ngei a beisei thu a sawi a. Mizoram mai bakah India ram pum ang pawha taksa leh rilru hrisel neih pawimawh zia entirna a nih ngei a beisei tih sawiin, a buatsaihtu Sports Minister, Department leh Innovation India-te hmalakna fakawm a tih thu a sawi a. AIHM chu khawvel pum ang pawha marathon hriat hlawh leh ngaihven a nih ngei a beisei thu a sawi bawk.

Sports & Youth Services Minister Pu Lalnghinglova Hmar pawhin thu sawiin, 2nd Aizawl International Half Marathon hluta tel zawng zawngte fakawm a tih thu a sawi a. Aizawl International Half Marathon chu a kum tela a pui chhoh zel thu sawiin, nakumah pawh kumin aia ropui leh changtlung zawka buatsaih tum a nih thu a sawi bawk.

He hunah hian Environment, Forest & Climate Change Minister Pu Lalthansanga, Health Minister Pi Lalrinpuii, Lt. Col. Clement Lalhmingthanga, MLA, Capt Rahul Bali, CEO, Innovations India & Curator of AIHM 2026 leh official dangte an tel a ni.

AIHM 2026 a tel mi 3000 dawnte chu tukin dar 6:30 atang khan Larsap General (Dr) Vijay Kumar Singh chuan Rajiv Gandhi Stadium atangin a vai liam a. Category hrang hrang 9 - 21.1 km Half Marathon (Men& Women), 10 km Open Race (Men & Women), 5 km Fun Race (Men & Women), 5 km Junior Race (Boys & Girls) leh 5 km Senior/Veteran (above 60 years) Race-ahte then a ni a. Rajiv Gandhi Stadium atanga bultanin world bank road-ah an tlan a, bultanna Rajiv Gandhi Stadium-ah tawpna siam a ni. India ram hmun hrang hrangte bakah ram dang Kenya, Ethiopia, Bahrain, United Kingdom, France atangin international runner 16 an rawn tel a. Lawmman cheng nuai 15 chuang sem chhuah a ni.

Aizawl International Half Marathon 2026 intihsiakna category hrang hranga lawmman dawngtute:-

(A) HALF MARATHON RACE (21.1 km)

Women  category:-

1) First prize: Renu Singh (Uttar Pradesh, India) Chip Time 01:21:22 (Rs 2,00,000 + Medal+ Certificate) 

2) Second prize: Tsige Debay Tadese (Ethiopia), Chip Time 01:21:35 (Rs 1,50,000 + Medal + Certificate) 

3) Third prize: Marta Hirpato Yota (Bahrain), Chip Time 01:21:36 (Rs 75,000+ Medal + Certificate) 

Men category:-

1) First prize: Kemboi Kevin Kiprono (Kenya), Chip Time 01:06:28 (Rs 2,00,000 + Medal + Certificate) 

2) Second prize: Nafsena Ejeta Balcha (Ethiopia), Chip Time 01:06:38 (Rs 1,50,000 + Medal + Certificate) 

3) Third prize: Clinton Kibet Mutai (Kenya), Chip Time 01:06:39 (Rs 75,000 + Medal + Certificate) 

(B) OPEN RACE (10 km)

 Women category:-

1) First prize: Km Jyoti (Rs 75,000 + Medal + Certificate) 

2) Second prize: Kavita (Rs 50,000 + Medal + Certificate) 

3) Third prize: Anshika Lodhi (Rs 25,000 + Medal + Certificate) 

Men category:-

1) First prize: Arif Ali (Rs 75,000 + Medal + Certificate) 

2) Second prize: Sachin Yadav (Rs 50,000 + Medal + Certificate) 

3) Third prize: Ganesh Kumar Bind (Rs 25,000 + Medal + Certificate)

(C) FUN RACE (5 km)

Women category:-

1) First prize: Nisha Kumari Shaw (Rs 20,000 + Medal + Certificate)

2) Second prize: Fulmoni Urang (Rs 12,000 + Medal + Certificate) 

3) Third prize: Tlangthanmawii (Rs 10,000 + Medal + Certificate) 

Men category:-

1) First prize: Nitesh Chauhan (Rs 20,000 + Medal + Certificate)

2) Second prize: Rani Kumar Saha (Rs 12,000 + Medal + Certificate) 

3) Third prize: Ghoora Chauhan (Rs 10,000 + Medal + Certificate) 

(D) JUNIOR RACE (5 km)

Girls category:-

1) First prize: Lalrintluangi (Rs 20,000 + Medal + Certificate)

2) Second prize: Lalremruati (Rs 12,000 + Medal + Certificate)

3) Third prize: Lalchhanchhuahi (Rs 10,000 + Medal + Certificate)

Boys category:-

1) First prize: Ricky Tlangthangpuia (Rs 20,000 + Medal + Certificate)

2) Second prize: Ezra Malsawmtluanga (Rs 12,000 + Medal + Certificate)

3) Third prize: Kennedy Vanlaldinpuia (Rs 10,000 + Medal + Certificate)

(E) SENIOR/VETERAL RACE (5 km)

1) First prize: Zothankhuma (Rs 20,000 + Medal + Certificate)

2) Second prize: C. Lalengkima (Rs 12,000 + Medal + Certificate)

3) Third prize: PC Lalrindika (Rs 10,000 + Medal + Certificate)

Aizawl International Half Marathon tum khatna chu nikum April 26, 2025 khan hlawhtling taka neih niin mi 1500 vel an tel a. He marathon hi Athletics Federation of India-in a pawmpui bakah Sports Authority of India  chuan a thlawp bawk a. Competition a nih mai piah lamah Mizoram rawn tlawhtute tan Mizoram mawina leh kan nunphung pho chhuahna remchang a ni a. Khualzin hipna tha a nih avangin Tourism Event Calendar 2026 ah pawh dah tel a ni.