398/2026-2027

Dated Champhai, 6th May 2026: Vawiin khan Champhai District AIDS Prevention Control Committee (DAPCC) chu an chairman, Champhai Bawrhsap Pu Mohammad Aaquib hovin an thukhawm a, Mobilization for AIDS Suraksha hman dan tur sawi hovin HIV/AIDS dinhmun report ngaihthlak a ni.

He hunah hian District Aids Control Officer (DACO) Dr. Lalramhluna chuan Champhai District-a HIV/AIDS dinhmun a sawi a, 2025-26 chhung khan mi 6,558 test niin mi 80 positive hmuh an ni a, kai chhanah mipat hmeichhiatna mi 62, syringe thianghlim lo hmang mi 11, mipat mipatna mi 2, nu in a naupaiah mi 1 leh chhan hriat loh mi 4 an ni. Dr. Lalramhluna chuan Mobilization for AIDS Suraksha sawi chhunzawmin hemi thil tum ber chu World AIDS Day December ni 1, 2026 thlen hmaa thil pathum - HIV kai mi zaa 95 in an kai an ni tih an hriat, HIV kai inhria mi zaa 95 in HIV treatment an lak leh treatment dawng zinga zaa mi 99 in viral load tlem thei ang ber an neih - tih hlawhtlin a tum a ni. Heng thiltum tihhlawhtlin nan kohhran hruaitu leh thalai te nena inhrilhhriatna hun te, hmun hrang hrang a thlawna lak theih tur condom dah te, Anti Retroviral Therapy (ART) atana hun thawl siam rem dan tur te an sawi ho a ni.

He hunah hian Dy. SP (Hqrs.) Pu Alan Hmangaihsanga, DAPCU staff te, District Hospital doctor te leh khawtlang hruaitu hrang hrang an tel a ni.