399/2026-2027

Dated : Mamit the 6th of April, 2026 : Vawiin khan Dapchhuah YMA Information Office-ah Fisheries Department leh Green-Ag tangkawp huaihawtin Mizoram District Transformation Programme hnuaiah Training and Awareness Campaign on Riverine Conservation and Mizoram Fisheries Act neih a ni.

He hun hi Pu Lalramzawnchhuaha Khawlhring, DFDO, Fisheries Department, Mamit District chuan kaihruaiin, Dapchhuah YMA President-in programme buatsaih a nih chhungchangah leh YMA leh Department te thawhhonaah Dapchhuah Branch aiawhin lawmthu a sawi a.

Pi Rosalind Vansangkimi, District Programme Manager chuan luidung humhalh a ngaih chhan te, kan luidung te kan tihchereu nasat dan te leh kan humhalh dan tur inzirtirna a neih bakah Pi Lalsiamliani, Fisheries Demonstrator chuan Mizoram Fisheries Act sawifiahna leh zirtirna chu nei bawk.

Dr Kenny Vanlalhriatpuia, State Coordinator, Green-Ag in kalkhawmte hnenah Sawrkar tha tichak turin NGO te an pawimawh zia hrilhin thawhhona tha a awm a pawimawh a ni a ti.

He hunah Dapchhuah YMA member mi 100 vel a tel a, hun hman zawh hian Fisheries Department, Mamit-a thawktute leh YMA hruaituten Luidung Humhalh signboard a tar bawk a ni.