1580/2026-2027 

Dated Champhai, 30th July 2026: Champhai District AIDS Suraksha Mobilization Quarterly Review Meeting chu vawiin khan DC Conference Hall- ah neih a ni.

Thutkhawm hi Addl. DC Pu Lalbiakfela chuan a kaihruai a, Dy. CMO Dr. Lalramhluna chuan HIV / AIDS chungchanga an hmalakna hrang hrang a tarlang.

HIV positive zawng zawng zinga za zela 95 te'n hri an kai tih inhre tur an ni a, za zela 80 te'n an hre tawh a, HIV kai, an dinhmun hre zawng zawng zinga za zela 95 te'n ART an ei vek tur a ni a, tun dinhmunah za zela 94 te'n ART an ei tawh a, ART ei zawng zawng zinga za zela 99 te viral load a tla hniam tur a ni a, za zela 97 te viral load a tlahniam tawh a ni.

April atanga Jun 2026 chhung khan Champhai-ah mi 2,587 te thisen test a ni a, an zingah hian HIV positive 26 hmuhchhuah a ni a, an vai hian ART laktir nghal an ni a, an zinga mi 14 chu mipa niin mi 11 chu hmeichhia an ni. Thla 3 chhung hian ART la tawh mi 55 zawnchhuah an ni a, an zinga mi 16 te chu ART lak tir leh an ni tawh a, mi 3 thi an awm bawk. Viral load test 465 neih niin 438 chu suppressed niin suppressed loh 21 an awm a, suppressed rate hi 94.19 percent a ni.

DAPCC thukhawmin a lo rel tawh angin khaw hrang hrang VC te meeting neihpui an ni a, khaw 53 ah Village Level HIV/AIDS Committee din a ni tawh a, hei bakah hiam SYMA hnuaia Branch hrang hrang chanchinbu a chhuah turin HIV Awareness Message pek an ni a, YMA bakah Kohhran hrang hrangah pek a ni bawk. Hemi hun chhung vek hian Zokhawtharah HIV Mass Screening neih a ni a, mi 203 te thisen test niin HIV positive hmuh a ni lova, Vaikhawtlangah pawh mi 37 test niin positive hmuh an awm lo bawk. Champhai District chhunga Home Stay leh Hotel zawng zawngah Condom dah tura hmalak mek a ni a, Red Ribbon Quiz buatsaih a ni bawk.