576/2022-2023

Champhai, the 21st May, 2022: Champhai District mipui ten tuialhthei lak kawnga harsatna an tawh lohna turin Champhai khawpui chhunga Filling Station zawng zawngte chu Pathianni tiamin engtik lai (24x7) pawha inhawng tura ngen leh hriattir an nih thu Pu James Lalrinchhana, District Bawrhsap, Champhai District chuan vawiin tlai khan a chhuah. Thuchhuah chuan Sawrkar thupek tha taka zawm tur leh mipuite tana theihtawpa rawng bawl chhunzawm zel turin Filling Station thawktute a chah a ni.

He thupek hi Mizoram chhungah dan lova POL (Petrol leh Diesel) zawrh a nih loh nan leh Filling Station-a thui tak tak leh rei tak tak intlar ngai loa mipui ten tuialhthei an lak theih nana Director, Food, Civil Supplies & Consumer Affairs in 'The Mizoram Trade Articles (Licensing & Control) Order, 1987 para 25 in thuneihna a pek anga, National Highway kam leh District Headquarters-a Filling Station zawng zawngte chu Pathianni tiamin engtik lai (24x7) pawha inhawng tura thu a lo pek tawh bawhzui nana chhuah a ni.

Attachment

  • Loading attachment...