Tun thla hi May thla- Mizoten Tomir thla an tih hun lai a ni a, thll leh ruah, rial ten thawm an nei nasa in khuarel chhiatna pawh thleng thei zel a ni a. Hemi chungchangah hian Champhai District Bawrhsap chuan mi tumah chiai lo tura chahin chhiatna thleng thei lakah erawh chuan theih anga lo fimkhur tur leh lo inralring turin mipuite a ngen a ni.

Khawchin zirmiten tun hnai ah Indian Ocean a insiam ‘Mahasen Cyclone’ in Bay of Bengal leh a chhehvel hmun thenkhat a nuai dawn niin an sawi lawk a. Ningani vel atangin Bangladesh leh Myanmar inrina vel a thleng tura ngaih a niin Mizoram pawh a siper in a tuam tel tur a sawi a ni a, Naktuk ni 16, Ningani zan dar 9:30 - 10:00 vela Mizoram lo thleng tura rin a ni. Mithiamte chuan Mahasen hi Lunglei leh Chhim lamah chuan 45-55 kmph vela tleh turin an ngai a, 65 kmph pawh a thleng thei a ni. He thll chhia hi ruahpui pai thliin a zui rin a ni a,hei hian darker 24 thleng awh tura ngai a ni bawk. A kawng hi Lunglei atangin hmar lamah Aizawl lo pheiin, Champhai lampang a chho dawn ni a hriat thar a ni. Chuvang chuan naktuk May 16 a Tropical Cyclone (Mahasen) tleh tur chanchin thar a lo lang chungchangah District Bawrhsap chuan tumah chiai lo turin a ngen a, thlipui lo thleng tur hi Mizoram ah hian a na dawn nge dawn lo hriat ani lova, chutm lai chuan a theih ang anga lo inralring turin mipuite a chah a nghal a. Mitinte pawn chhuak tarn lo tur leh mahni in leh a vel dinhmun en tha a,a tul thut huna tanpui ngai te tanpui thei turin a ngen a ni.

Hemi chungchang ah hian Mizoram Chief Minister Pu Lal Thanhawla chuan mipuite him zawk nan naktuk chawhnu atangin college hnuai lam zima In chawlh a puang a. Tin, sawrkar function pawimawh pawh hemi hun chhunghi chuan ruahman lo turin department tin te a hriattir bawk.

Champhai District Emergency  Helpline Number:

D.C. Champhai - 03831-234402/234401/9436141716/8414047698