1543/2022-2023
Champhai, the 10th August, 2022: Champhai khawpui leh a chhehvela Champhai Town Multipurpose Co-operative Societies Limited (CTM-PACS) hnuaia hmalakna hrang hrang; Champhai Higher Secondary School, Drug Store, Variety Store, Mini Bank, Office leh an hmalakna lian ber Vavu Dil Project hnuaia hmalakna hrang hrangte chu vawiin chawhnu khan District Bawrhsap Pu James Lalrinchhana chuan a hmunah kalin a tlawh. Bawrhsap hi CTM-PACS Chairman Pu H.S Vanlalfakzuala leh a thawhpuiten an lo dawngsawnga an hmunhma hrang hrangte fanpuiin hmalak dante an hrilhfiah zel a ni.

Bawrhsap Pu James Lalrinchhana chuan CTM-PACS kaltlanga hmalakna hrang hrangte chu chhuanawm a tih thu sawiin, an hmachhawpte chu phurawm a tih thu a sawi a. Champhai District mai bakah Mizoram tana chhawrnahawm tak a nih theih nan theihtawp chhuah zel turin a chah a. An hmalak lehzelna turah a theihna zawnah theihtawp chhuahpui a inhuam thu a sawi a ni.

Society School Champhai Higher Secondary School a tlawhnaah Pu James Lalrinchhana chuan nakin lawka ram leh hnam innghahna ni mai tur zirlaite chu lehkha an zir chhan leh nih tum hrechiang tur in a chah a, tum bul tak neia rinawmna leh taimakna neia Pathian malsawm tlak ni tura theihtawp chhuah turin a fuih a. Vaki ang maia by-heart thiamna neih tum mai lova thiamna tak tak leh tlo tak neih tum tur te, social media hmang tangkai thiam tur leh him leh hlawk taka hman thiam tum turin a fuih a. Zirtirtute thu awiha zah fo turin a chah bawk a. Zirna khawvel tha nei turin zirtirtu, zirlai leh nu leh pate tankawp a pawimawh thu sawiin, zirtirtute chu zirna boruak muanawm tak siam tur leh zirlaite nungchang chîk fo thin turin a chah bawk a. Zirlaia harsatna neite zirtirtute hnena thlen hrehlo turin a chah a, mamawh an neihte theihtawp chhuahpui a inhuam thu a sawi bawk a. Midangte tana malsawmna ni thei tura zirna kawngah theihtawp chhuah turin a chah bawk.

Champhai Higher Secondary School hi April ni 29, 2013 ah din niin, 2019 ah Lumpsum Grant in Aid-ah hlankai a ni a. Tun dinhmunah hian zirlai 191, zirtirtu 9 leh thawktu dang 3 an awm mek a, Arts & Commerce subject zirna kalpui mek a ni. 2022 HSSLC exam-ah khan Arts-ah 80.39% leh Commerce-ah 90.9% an pass a ni. Kum 2013 ah vek hian CTM-PACS Variety Dawr din ?an a ni a. Damdawi zawrhna CTM-PACS Drug Store chu kum 2019 ah din a ni bawk.

Champhai Town Multipurpose Cooperative Societies Limited (CPACS) hi Champhai Chhungte Farming Cooperative Society tih hming puin kum 1994 khan kuthnathawktu, a bik takin Sapthei chingtu mi eng emaw zât intêlkhâwmin an din a. Kum 2015, November-ah Champhai Chhungte Farming Cooperative Society ni ?hin kha mipui zau zawk tana chhawr ?angkai theih turin Champhai Town Multipurpose Cooperative Society (PACS) Limited ti a thlak a ni a. Kum 2012 ah Primary Agricultural Credit Cooperative Societies (PACs) atan thlan niin, August ni 23, 2012 ah PACS Office hawn a ni a. Kum tina Society sum khawih chêt hi chang vaibelchhe 7-8 dawn a ni. T?nah hian he Society-ah hian member puitling mi 162 vel awmin, eizawnna hrang hrang vuantute an ni a. CTM-PACS Mini Bank hnuaiah account hawng mi 558 an awm a. CTM-PACS hnuaiah hian thla bi hlawhla thawktu mi 29 an awm mek a ni.

CTM-PACS hian kum 2017 khan IFFCO (Indian Farmers Fertilizers Cooperative Limited) a?angin “Cooperator” award a dawng a. Kum 2018 ah NCDC (National Cooperative Development Cooperation Ltd, Ministry of Agriculture, GOI hnuaia statutory body) atangin NCDC Regional Award for Cooperative Merit, 2018 a dawng a, Mizoram state chhung Society zinga hetiang award dawng hmasa ber an ni.