1542/2022-2023
Mamit 10th Aug, 2022 : Mamit District chhungah dan phal loh Kuhva phur lirthei an kal thin tih hriat a ni a. Ministry of Home Affairs, Govt.of India lehkha (vide No.1/32/2019-BM-II Dt. 2.12.2019) -in heng dan lova Kuhva rah lakluh thin chu khap a tul thu a tarlan angin, Mamit District chhunga dan lova Kuhva phurh tihtawp a nih theihna turin hmalak a tul a hriat a nih avangin Pu Lalnunhlua, District Magistrate, Mamit District chuan Cr.PC Section 144-in thuneihna a pek angin a hnuaia thupek hi Mamit District-a hman turin vawiin Ni 10 August, 2022 hian a chhuah.

"Mamit District chhung khawi hmunah mah dan ang ni lova Kuhva lakluh leh phurh khap tlat a ni.

He thupek hian chhuah a nih atanga thla 2 (hnih) chhung a huam ang. He thupek bawhchhiate chu Section 188 IPC hmanga hrem theih an ni ang.