4027/2024-2025

Champhai, 30th January 2025: Vawiin khan DC Conference Hall, Keifangtlangah Bawrhsap Pu VL Remliana kaihhruaiin  District Beautification Competition chungchang ngaihtuah a ni a. He hunah hian Mizoram sawrkar UD&PA Department in a buatsaih District hrang hrang cheimawi intihsiakna lo awm tur atan a Champhai District inpuahchahna leh hmalak dan tur te sawiho a ni.

Champhai Bawrhsap Pu VL Remliana chuan kalkhawmte lawmna thu sawiin, District Beautification Competition hmachhawn tura Champhai District inpuahchahna hrang hrang te a tarlang a. Kalkhawmte chu an ngaihdante thawh a, Champhai khawpui cheimawina kawngah neitu thinlung pu chunga ṭha taka thawk turin a ngen bawk a ni.

He hunah hian Pu ZD Dengṭhuama, EE, Champhai PHED chuan District Beautification Competition atana ruahmanna hrang hrang an lo siam tawh te chu presentation pe-in a sawifiah a. Heng ruahmanna hrang hrang te hi Detailed Project Report a siam pum turin member kalkhawmte hian an sawiho a ni. 

District Beautification Competition 2025 hi Mizoram pum huap a District cheimawina lam hawi inelna tur a ni a. He inelnaah hian tehfung hrang hrang - hmasawnna ruhrel(infrastructure) din te, environment siamthat hawi zawng a hmalakna te, khawpui mawi zawk nana hmalak te, sorkar scheme awm mek te nen a thlunzawm te leh mipui tam thei ang ber tel theihna tur ruahmanna siam te a tel a. Heng zawng zawng hi DPR siamtur niin chu DPR atangin lawmman dawng thei tur thlanchhuah a ni ang.

Vawiin a District Beautification Committee ṭhutkhawmah hian PHED, P&E, District Hospital, DUDO, I&PR, DRDO, I&PR, District MUP, Sub Hqrs MHIP leh MUP hruaitute an tel a ni.