4026/2024-2025

Dated Serchhip the 30^th January, 2025: Vawiin khan DC Pu Paul L Khuma hoin Serchhip DC Meeting Hall-ah Serchhip District chhunga bawlhhlawh sawngbawl dan tur ruahmanna leh rawtna te sawiho a ni. 

Pu Paul L Khuma chuan Serchhip District a lo fai leh hrisel zawkna tura hmalakna a hlawhtlin theih nan official te chauh ni loin, Serchhip District khawtlang hruaitute leh mipui mimir te mawhphurhna a sang hle a ni, a ti a. Theihtawp chhuahpuiah Serchhip District mipuite a sawm a ni. 

Vawiin meeting-ah hian PHED Senior EE Pu Isaac Lalchhuanmawia chuan Fecal Slut Management leh Solid Waste Management chungchanga an hmalakna te powerpoint hmangin a tarlang a. Green Herd Pvt Limited te nena tangkawpin Lungrual ramah Solid Waste Management Plant sak mek a nih thu leh thla hnih khatah hman theiha peihfel a nih tawh tur thu a sawi a. Ek paihna leh sawnbawlna hmun Fecal Sludge Management atana ruahmanna chungchang pawh vawiin hian sawilan niin Senior EE chuan ruahmanna an siam dan kimchang a tarlang a ni. 

UD&PA Joint Director Pi C Lalduhzuali chuan SBM (Urban) 2.0 kaltlanga Serchhip District a bawlhhlawh sawngbawl dan tur ruahmanna meeting-ah hian a sawi a. Thenzawl leh Serchhipah Solid Waste Management Centre din tum a ni a, a hmunhma sak leh siamna tur civil works atan tender an tihchhuak fel tawh a, North Vanlaiphai atan tihchhuah mai hmabak niin Election zawhfel a nih hnuah bawhzui a nih tur thu a sawi.  

Clean Serchhip chungchang sawilan niin Additional DC Pu Lalrinzuala chuan ruahmanna an siam tawh leh an bawhzui dan report a pe bawk. 

Vawiin meeting-ah hian DUDO Pu Gaston Vanlalhriatpuia, DIPRO Pi Lalnunmawii te bakah VC leh official dangte an tel a ni.