248/2024-2025 

Champhai, the 17th April, 2024: Tukin dar 9:00 khan 1-Mizoram (ST) Parliamentary Constituency General Observer Dr. Nipun Vinayak, IAS leh Returning Officer Pi Nazuk Kumar, IAS te hriatpuina hnuaiah District Election Officer Pu James Lalrinchhana kaihhruaiin Champhai District chhunga Assembly Segment 3 hnuaia Polling Station 84 zinga Pink Polling Station 9 tih loh, Polling Station 75 a duty tur Polling party-te chu Third & Final Randomization kaltlangin an kalna tur computer hmanga ruat fel a ni.

Third & Final Randomization of Polling Personnel hmang hian Second Randomisation kaltlanga Champhai District-a Assembly Segment 3; 23-Champhai North AC, 24-Champhai South AC leh 25-East Tuipui AC a duty tura Polling party siamfel tawhte chu an duty-na tur Polling Station ruatfel a ni. Danin a phut angin naktuk April ni 18, 2024 zing hian polling party-te hi an chhuah hmain an kalna tur Polling Station hriattir an ni ang.

Champhai District chhungah Polling Station 84  awmin, General Election to Lok Sabha, 2024 atan hian hmeichhe hlangin an vil tur Pink Polling Station 9 a awm dawn a. Pink Polling Station a duty turte chu a hranpaa randomization tih ngai lova manual selection tih a nih dawn avangin Randomization of Polling Personnel hi Champhai District chhunga Polling Station 75 atan neih a ni a; vawiina polling party third & final randomization tihte hi mipa hlang niin, reserve tiamin Presiding Officer (PrO) 98, Asst. Presiding Officer (APrO) 98 leh Polling Officer (PO) 197 te an ni.