247/2024-2025 

Saitual the 17th April 2024:  Vawiin Chawhma dar 11:00 Am khan Saitual Keifang Zawlbuk ah Saitual Addl. SP Pu J.Rokima kaihhruaina hnuaiah Saitual District A/C pathum Tawi, Lengteng leh Chalhfilh huamchhung  a Police duty tur te hnenah Briefing leh zirtirna neih a ni.

 Addl. SP Pu J.Rokima chuan Police lo kal khawm te chu Election chhung a an Duty an Tih tur leh Tih loh tur te Chiang takin a hrilh a. Duty tur a ruat te chu full Uniform in an inthuam tur ani a, a hun taka Polling Station thleng tur leh Ruihtheih thil lakah fihlim turin a hrilh a. Mi Lian leh mi te thliar hrang loa mipui te leh polling agents leh staff te hawihhawm taka be turin a hrilh a , Security, Law & Order kengkawh tur a duty annih ang in mipui ten ralmuang taka vote an thlak theihnan a venghimna khawng taka kengkawh tur in a chah a ni.

Saitual SP Pu Pukhraj Kamal Gupta pawh in  kalkhawm te chu chibai a buk a, Duty tur a ruatte chu an hriselna a tha tawk em tih te zawt in Election ni hma chu zan lam pawh mu tha tur in a hrilh a . An duty chhungin Polling area chu an chhuahsan thianglo a ni tih a hrilh bawk .Polling Booth tin a duty tur te chu fuihin Electronic Voting Machine (EVM) chu an taksa Peng khat ang a ngaiin a venhim chu an hna pawimwh ber anih thu a chah ve bawk.

Pu K. Zohrangchhuana Insp. MPRO Saitual pawh in Khuarel chhiat na vanga Current leh Signal that loh palh a inbiakpawhnan a hman tur  Walkie Talkie (WT) hman dan chu chipchiar takin kalkhawm te a hrilhhriat.