246/2024-2025 

Khawzawl, 17th April 2024: Lok Sabha Inthlanpui 2024 neih tura inpuahchahna kal zelah vawiin khan Govt. Khawzawl High School, Zuchhip Veng-ah 22-Tuichang Assembly Segment-a duty tur Polling Official (Presiding Officer, Asst. Presiding Officer leh Polling Officer) te tan Training tum thumna buatsaih a ni. He hun hi Khawzawl Bawrhsap, Asst Returning Officer ni bawk Pu K. Lalrohlua chuan a hman pui.

Pu K. Lalrohlua chuan Polling Official kalkhawmte chu a thawk ho thiam tura chahin, inthlan hlawhtlinna chu Polling Party-a mi zawng zawng mawhphurhna (collective responsibility) a ni, a ti a. An hna an hlen chhuahna kawngah mahni inringtawk taka thawk turin a chah bawk. Khawzawl Bawrhsap chuan Polling Official te chu an mawhphurhna tibahlah thei ruihhlo laka fihlim turin a ngen a, duty laia ruihhlo laka fihlim lo te lakah zahngaihna lan tir a ni dawn lo tih a sawi.

Vawiin Training-ah hian State Level Master Trainer Pi V. Lalmuanpuii, Project Director, DRDO; Pu Vabeimozachhi Chozah, SDO (S); District Level Master Trainer – Pu Elijah LH Sanga, SDC; Assembly Level Master Trainer Dr. Lalliantluanga Ralte leh Pi PC Lalhmingtluangi, Asst Professor, Govt. Khawzawl College ten Polling Official te hi zirtirna an pe a. Vawiin training-ah hian thupui hrang hrang training tum khatna leh tum hnihnaa an lo zir tawh te ennawnna hun bakah hriatthiam loh te inzawhna hun te neih a ni.

Polling Official te hian naktuk chawhma hian Khawzawl DC Office tual atangin an duty-na tur hmun an pan tawh ang.