Vawiin khan Champhai DC Office a NIC Conference Hall-ah Champhai District chhunga Assembly constituency panga a Polling Station 137  a hman tur EVM te Computer hmanga rualkhai taka semrualna neih a ni. He semrualna hi a thawh hnihna leh a tawpna ber niin Computer khawl hmangin Polling Station tina hman tur EVM khawl Ballot Unit, Control Unit leh VVPAT te thliar fel nghal vek a ni.

Second and Final randomisation hmang hian 21-Lengteng A/C-ah BU-41, CU-43 leh VVPAT-42 hman tura tihte chu Polling Station 27 ah te  semrual a ni a. 22-Tuichang A/C-a hman tur BU-41,  CU-41 leh VVPAT-39 te  Polling Station 26 ah semrual a ni a,  23-Champhai North A/C-ah BU-45,  CU-48 leh VVPAT-45 Polling Station 30 ah te semrual a ni a,  24-Champhai South A/C tan BU-38, CU-42 leh VVPAT-38 te Polling Station 25 ah semrual a ni a. 25-East Tuipui A/C-ah BU-44,  CU-46 leh VVPAT-44 te Polling Station 29 ah semrual vek a ni bawk.

District pumpuia hman tur inthlanna khawlte hi Strong room 5-ah venhimna tha tak hnuaiah dah that an ni a, DPRC building Strong room-ah hian 22- Tuichang A/C leh 25-East Tuipui A/C a hman tur EVM te dah niin,  DRDA builing Strong room-ah 21-Lengteng A/C leh 23-Champhai North A/C a hman tur EVM te dah anih bakah DC Office Strong room-ah 24-Champhai South A/C a hman tur EVM te dah a ni a. 

Vawiina EVM semrualna hunah hian Pu Debashis Das,IAS, General Observer  for 21-Lengteng (ST) AC & 22-Tuichang (ST) AC; Pu Narander Kumar Meena, IAS, General Observer for 23-Champhai North (ST), AC, 24-Champhai South (ST) AC &  25-East Tuipui (ST) AC; Dr Naveen Aggarwal,IAS, District Election Officer, Champhai bakah RO, ARO leh Election Officer, DIPRO leh Political party aiawhte an tel a ni.