2990/2024-2025
Champhai, 14th November 2024: District Child Protection Unit, Champhai buatsaihin National Childrens’ Day chu Kahrawt Field ah hman a ni a, Pu Vincent Lalrokima,Addl.District &Session Judge, Champhai chu khuallian niin Pi Amy Lalrinpuii, Principal Proggrame Manager, State Child Protection Society chu khualzahawm a ni.
Childrens’ Day lawmna hawnna inkhawm hi Pi R.Lalrinchhani, District Child Protection Officer in a kaihruai a. Khuallian Pu Vincent Lalrokima, Addl.District &Session Judge, Champhai District chuan thu sawiin naupang te chu hlim taka awm theih nan an him a ngai tih sawiin, a ven kawngah nu leh pa ten mawhphurna sang tak an nei a ni, a ti a. Mahni fate mai bakah thenawm naupangte thlengin an himna kawngah puitling zawk ten mawh kan phurh thu tarlangin naupang te chu rilru thianghlim an ni a, an laka thil kan tisual a nih pawhin ngaihdam dil i hreh lo ang u a ti bawk a. Children's Day hlim taka hmang turin duhsakna a hlan a ni.
Pi Amy Lalrinpuii, Principal Proggrame Manager, State Child Protection Society chuan Child Protection Society chu naupang te tan ding an nih thu sawiin naupang harsatna tawk te tan an awm reng thu a sawi a, Childrens’ Day hlim taka hmang turin duhsakna a hlan nghal bawk.
Thusawitu dang Pu Lalthantluanga Tochhawng, Chairman, Child Welfare Commitee a chuan naupang te tan a hetiang hun ṭha buatsaih a ni thei chu lawmawm a tih thu sawi in, naupangte tan hlawkthlak tak a nih theih a beisei thu a sawi.
National Childrens’ Day hmannaah hian Naupang tana tha thawhtu mi ṭangkai Pu C.Lalthanliana, Vengthlang North te leh Naupang kutthemthiam bik mi 2, Johny H. Vanlalhriata s/o Vanlallawma, Dinthar veng, Champhai leh Lalruatfela s/o Lalneihtluangi, Kanan veng te hnenah chawimawina thu ziak leh pawisa fai hlan a ni. He mi hnu hian naupang intihhlimna hrang hrang buatsaih chhunzawm a ni.
