No.4750/2020-2021

Dated Champhai, the 4th September, 2020: Vawiin chawhma khan Champhai DC Conference Hall-ah District Consultative Committee (DCC)/ District Level Review Committee (DLRC) chu Bawrhsap Pi Maria C.T Zuali hovin an thukhawma, March 2020 quarter tawp thlenga Bank hrang hrang leh stakeholder-te hmalakna hrang hrangte an thlirho a ni.

Pi Maria C.T Zuali chuan Covid-19 hripui leng vanga ram sum leh pai dimhmun leh che vel a tlak hniam phah thu a sawi a. Mitinte banphaka Banking facilities chhawp tuma sawrkar hmalaknate tarlangin, thingtlang mite tihhmasawn kawnga sawrkar hmalaknate thlawp tlata Bank hman dan leh tangkainate chiang zawka an hriat theihna kawnga tanla turin a chah a. Banker kalkhawmte chu mirethei leh chanhai zawkte tana penchhuak tur leh Entrepreneurs leh Self Help Group-te chawikan kawnga inhawng lehzual tura hrilhin, muipuite hnimhnaia anmahni puitu thiantha tak nih tum turin a chah a. Loan puktute pawh loan rulh ngaipawimawh tura chahin, loan rul tha lote umzui kawngah DC office chuan Banker-te DC Office-in a tawiawm tlat dawn thu a sawi bawk.

He Meeting-ah hian Pu L.Lawmvela, Lead District Manager, SBI Lead Bank Office Champhai chuan kalkhawmte lawmna thu a sawi hnuah kumin March 2020 Quarter tawp thlenga Champhai District chhunga Bank hrang hrangte hnathawh leh hmalaknate thlirletna neih a nih bakah hmachhawpte sawiho nghal a ni.

Kumin March 2020 Quarter zawh thlenga Champhai District-a Bank hrang hrangte Credit Deposit (CD) ratio chawhrual chu 45.47 % niin, December 2019 Quarter tawp aiin 2.20% in sang mahse CD Ratio bituk zat 60 % chu a phak lo a ni. KCC/ Crop Loan cheng nuai 672.31 pekchhuah niin, crop loan advances chu 3.60% niin, Crop Loan to Agriculture chu 23.41 % a ni a. Social Security Scheme hnuaiah bank kaltlanga Cashless transaction pek niin, Pradhan Mantri Jan Dhan Yojana (PMJDY) hnuaiah mi 906, Pradhan Mantri Suraksha Bima Yojana (PMSBY) hnuaiah mi 1032, Pradhan Mantri Jeevan Jyoti Bima Yojana (PMJJBY) hnuaiah mi 641 leh Atal Pension Yojana (APY) hnuaiah mi 48 ziah luh thar an ni a.

2019-2020 Financial Year chhunga Annual Credit Plan (ACP) hnuaia hnathawhte thlirho ni bawkin, Priority Sector Advances atana target 8904.76 zinga 10467.21 te tihhlawhtlin niin, a hlawhtlinna hi za zela 117.55 a ni a. Prime Minister Employment Generation Scheme (PMEGP) hmanga Champhai District-a target 64 atanga 48 te hnenah March, 2020 thla ral thlengin loan cheng nuai 125 pekchhuah a ni a. Pradhan Mantri Awas Yojana (PMAY) hnuaia target 150 zinga 39 te hnenah loan cheng nuai 153.16 pekchhuah niin, DAY-NRLM hnuai target 357 zinga 159 te hnenah loan cheng nuai 95.66 leh DAY-NULM hnuaia target 65 atanga 61 hnenah loan nuai 116.20 pekchhuah hman a ni. Pradhan Mantri Mudra Yojana (PMMY) hnuaiah mi 249 (Sishu-87, Kishor-96, Tarun-66) hnenah loan cheng nuai 575.55 hu pekchhuah a ni bawk. March 2020 thelngin PM Kisan Beneficiaries dawng 3629 an awm a, heng zinga 59 te hnena KCC Loan pek zat chu cheng nuai 40.51 a ni. Sector hrang hranga Non-Performing Assets (NPA) tlingkhawm chu cheng nuai 578.99 (4%) a ni a, Bakijai Case hnuaiah MCAB Champhai Branch kaltlangin Case 16, cheng nuai 10.61 hu vel siam a ni bawk. 2019-2020 Financial Year chhungin Thingtlang/Zokhaw mite tana bank hman dan zirtirna Digital Financial Literacy Awareness Programme tum 50 neih niin, hemi hmang hian mi 2,407 te chu zirtirna pek an ni.

He huanh hian Annual Credit Plan for Financial Year 2020-2021 chu pharh nghal niin, a thuphunga pawm ani a. Sawrkar budget atanga hamthatna lokala innghat mai lova Bank Credit atanga hmasawnna kalpui anih theihna tura tun aia tan lehzual a tul thu pawh tarlan a ni a. Gram Sabha kaltlanga Financial Literacy Campaign neih rawt niin, Booklet/Pamphlet semchhuah nise ti a rel a ni a. Social Security Scheme kaltlanga hamthatna mipuite’n an chhawr tangkai theihna turin zau zawka inhrilhhriatna neih nise tih a ni a. Heng bakah hian Bank Security chungchang sawiho anih bakah inkaihhruaina tha zawk awm theih dan turte sawiho niin, Bank tinte pawh chak zawka hma la a, quarter tawp ni atanga chhiara ni 15 chhunga data thehlut thin tura hriattir an ni a. Potential Credit Linked Plan (PLP) duanna tura tul leh mamawhte sawiho a ni bawk.

Tun dinhmunah hian Champhai District-ah Bank branch hrang hrang 14 awm mekin, Public Sector Banks 4, Private Sector Bank 4, Regional Rural Bank 5 leh State Cooperative Bank 1 te an awm mek a. ATM 9, Business Correspondent 8, CSP 1 leh IPPB hnuaia Banking Touch Point 26 te an awm mek a ni.