No.4751/2020-2021

Dated Champhai, the 4th September, 2020: Vawiin chawhnu khan NABARD Mizoram Regional Office buatsaihin Champhai DC Conference Hall-ah Banker leh Stakeholder-te pualin Self Help Group Bank Linkage Programme chungchang inzirtirna neih a ni a. He hun hi Champhai district Bawrhsap Pi Maria C.T Zuali chuan khuallian niin a hmanpui a ni.

Khuallian Pi Maria C.T Zuali chuan Banker leh Stakeholder-te nena an hnathawh leh hmalaknate inhriatpuitawnna hun duhawm tak hman ani chu lawmawm a tih thu sawiin, sawrkar hmalakna leh duhdante thlawpa mirethei leh zokhaw lam mite chawikan leh puih kawnga penchhuah a hun takzet a ni, a ti a. Loan mamawhte hnenah loan-te pe a, eizawnna ngelnghet leh inchawikanna tura puih inhuam turin Banker-te chu a chah a. Training hlawkthlak leh rahchhuah tha tak an neih theihna turin duhsakna a hlan nghal bawk a ni.

Resource Person Pu Rabishankar Likmabam, District Development Manager, NABARD Champahi chuan SHG BLP, DAY-NULM, DAY-NRLM, Bhoomi Heen Kisan (JLG), KCC for Animal Husbandry & Fisheries, FPO leh AIF chungchanga hriattur hrang hrangte kaltlangin zirtirna a pe a. Self Help Group Bank Linkage Programme chungchanga zawhna leh chhanna hun buatsaih a ni bawk.

He hunah hian Champhai district chhunga Banker leh Stakeholder-te an tha hle a ni.