53/2026-2027

Dated Champhai, 7th March 2026: Vawiin khan DC Conference Hall, Champhaiah Champhai Bawrhsap Pu Mohammad Aaquib hovin October - December 2025 chhunga bank hnathawh dan leh hmalakna hrang hrang endik turin District Consultative Committee, District Level Review Committee leh District Level Security Committee an thukhawm.

Champhai SBI Lead District Manager Pu Lawmkima'n an thutkhawm chhan te sawiin meeting khuhhawnna a nei a, he thukhawmah hian bank an invenhim dan te endik niin Mizoram Rural Bank, Ruantlang Branch chu security guard an neih theih dan ngaihtuah tura hrilh an ni a. CD Ratio zaa sawmruk (60%) pha lo hrang hrang te hnen atangin a chhan zawhfiah a ni a, tihthat nan Financial Literacy Campaign (FLC) neih hnem a tul thu sawi niin bank manager te FLC nei hnem tura chah an ni a, quarter khatah pathum (3) tal nei tura hriattir an ni. Agriculture te, horticulture te, animal husbandry te leh social security hnuaiah te loan pek chhuah zat endik a ni a, bank hrang hrang tihthatna leh hmasawn ngaihna te tarlan a ni. He hunah hian Chairman Pu Mohammad Aaquib chuan Potential Linked Credit Plan 2026-27 a tlangzarh bawk a ni.

He hunah hian NABARD leh RBI regional office hotute, Champhai District-a bank hrang hrang branch manager leh line department hotute an tel a ni.