2460/2025-2026

29th November, 2025 : Tukin khan Mipui ten Sa leh Thlai hrang hrang te Buk tling ngei a an lei theih nan  Champhai District Consumers Union Hruaitu te  leh Pu V. Lalfakzuala Asst. Controller  Legal Metrology Deptt  ho vin  Champhai Bazar  hrang hrang Awmpui phei Bazar,  Tuipui Bazar leh Bethel Kawn Bazar a Sa leh thlai hrang hrang  Bukna  an endik.

Vawksa, Arsa, Bawngsa, Kelsa, Ui sa Sangha leh thlai zuartute Bukna endik in, buk tlinglo leh Mau hmang a bukna hmang   Mi 5 an man a, 

Legal Metrology office ah tih fel ngai tifel turin mi 7 an ko bawk. A bik in Bawngsa leh Vawksa bukna erawh a tling tha  hle thung a ni.

Bazar hrang hrang Bukna endikna ah hian Champhai Dist. Consumer Union President Pu C. Lalthawmliana  leh OB dang Pa nga an tel a, anni bakah hian  Legal Metrology Asst Controller Pu Lalfakzuala leh Legal Metrology Inspector Pu Felix Lalruatsanga  leh thawktu dang 4 an tel ani.

Mipui ten Buk tling ngei a Sa leh Thlai te an lei theih nan Champhai Dist Consumer Union leh Legal Metrology te chuan hma an la zel dawn a ni.