2459/2025-2026  

Kolasib: Dated the 29th November, 2025: Tukin dar 7:00 a khan Venglai YMA Park, Kolasib ah ‘Harsatna kara AIDS hmachhawn dan thar’ tih thupui hmangin hun hman a ni a. Pu Robert C. Lalhmangaiha, Deputy Commissioner, Kolasib chu khuallian a ni.

Khuallian Pu Robert C. Lalhmangaiha chuan kalkhawmte chibai buk in, Sr. CMO Kolasib kaihhruaina hnuaia Health Department hmalakna hrang hrangte hlawhtling taka an nei thin chu lawmawm a tih thu a sawi a. World AIDS Day hi December ni 1 a hman thin a ni a ati a. Remchan zawkna avangin vawiin ah hman a nih thu a tarlang. Khawvel changkanna hian harsatna thil tam takah min thlen theih thu a sawi a, changkanna chu kan awlsamna tur anih rualin mitam takah harsatna a thlen mek ani ati.

AIDS chungchang sawiin, Mizoram pawh kan dinhmun a chhuanawm lo a ni ati a. Mitin in kan nun kan uluk a ngai tawh hle a ni a ti a. Hunpui Christmas kan hmachhawn dawn a, heng hunah te hian he natna thalo a zual kai theina hun leh a veilo te pawhin a vei palh theih na a san hun a ni thin a, kan tan rual a ngai hle a ni, a ti.  Aids lak a kan him na turin hriselna lama thawktute thurawn leh thupek te kan ngai pawimawh a tul thu a tarlang a. AIDS lak a kan him zel na tur in mizawng zawng a sawm nghal a ni.

Dr. RK Lalthlamuana, Sr. Chief Medical Officer, Kolasib chuan Kolasib District a hian HIV chungchanga hmalakna chu kum 2002 atangin hman tan a nih thu a sawi a. June 2002 atanga October, 2025 thleng khan mi nuai chuang thisen test a ni a, chung zingah chuan mi 2006 lai in AIDS Positive an vei thu a tarlang a. Kum 1988 atang khan World Aids Day hi hman tan a ni a, World Health Organisation in December ni 1 ah HIV AIDS natna avanga thi te hriatrang nan te, mipuite HIV Aids chungchanga inzirtirna hun atan hman thin a nih thu a tarlang.

He hun hi Dr. Lalthanzami, Medical Officer, OSTC, District Hospital Kolasib chuan a kaihhruai a. Zai mawi tak tak ngaihthlak a ni a. Sawrkar hotute, hriselna lama thawhtute, chanchinbu mi te leh mipui thahnemtak an kal kawm a ni.