Vawiin chawhma dar 11:00 khan Pu C. Lalthanmawia, MPS, Superintendent of Police, Champhai District kaihhruaina hnuai-ah Champhai District pum Police hotu lian te\'n SP Champhai Office Chamber ah Crime Review Meeting an nei.

He hunah hian Champhai District huap a SDPO, OC, P.I leh Case I/O te an kalkhawm a, heng kalkhawmte hian Champhai leh a chhehvel a sualna lo pung zel leh hun kal tawh a an hnathawhte thlirhona hun an hmang a, he Meeting Chairman Pu C. Lalthanmawia, MPS, Superintendent of Police, Champhai District chuan sualna lo pung zel tur danna kawngah nasa lehzual zawk a mipuiten Police tanpui turin a ngen a, mi thil ruk man chhuah kawngah tan lak a ngaizual a, thil reng reng a hlutna phu lova man tlawm tak a hralh a nih reng rengin ruk ruk thil a ni tlangpui thin a, hetiang lei kawngah hian mipuiten rinhlelh nachang hriat a, fimkhur a tul em em a ni a ti. Champhai SP Pu C. Lalthanmawia chuan mahni vengchhung theuh ah mikhual leh hmelhriat ngailoh rinhlelhawm chi reng reng chu Police te hriattir nachang hriat a tul a ni, a ti bawk.

He Crime Review Meeting ah hian nikum January atanga May 2011 leh kumin January atanga May 2012 chhunga case registered khaikhin a ni a, IPC Case bikah hian nikum January 2011 atanga May 2011 ah Case 85 registered a ni a, Non IPC ah Case 52 registered a ni bawk a, kumin January 2012 atanga May 2012 hian IPC bikah Case 94 leh Non IPC ah Case 28 registered a ni. Kumin 2012 hian IPC ah kum 2011 aiin In rawk leh ruk ruk (Bulgary & Theft) ah Caste a sang hret a, Non IPC ah kumin 2012 hian MLTP Act ah nasa takin Case a tlahniam ve thung a ni. Tin, ND&PS Act-ah hian nikum aiin kumin ah Case tlahniam hret hret a, Pawngsual Case(Rape) ah nikum aiin Case 4 in a tlahniam bawk a ni.

He Review Meeting-ah hian Champhai District pum a Police officer 23 an kal thei a ni.