Vawiin khan Champhai District Development Co-Ordination & Monitoring Committee (DISHA) chu Chairman Lok Sabha MP Pu C.L. Ruala hoin Champhai DC Conference Hall ah an thukhawm.
Pu C.L.Ruala chuan District Development Co-Ordination & Monitoring Committee member te chu lo lawmin Champhai District chhunga Sawrkar Department hrang hrangin hmasawnna hnathawh an neih hrang hrangte chu fakawm tiin, hetih rual hian tun ai a chak zawk leh tha zawka mahni chanpual theuh hlen turin kalkhawm te a chah a kawng hrang hrang a Champhai District in hma a lo sawn zel theih nan theihtawp chhuah turin a fuih bawk a ni. Chairman chuan Central atanga sum hmuh te chu a nih na tur dik taka hmang tura chah in hna thawh chungchangah pawh a hlep chauh ngahituah loa Mizoram hmasawnnan hna kalpui mek leh thawh zawh te chu belhchian tlak anni tur ani a ti bawk.
Co-Chairman Rajya Sabha MP ni bawk Pu Ronald Sapa Tlau pawhin kalkhawm te chu fuihin hna thawh leh sum chungchangah rinawmna um turin a chah a , MP fund, MLA Fund leh Sawrkar Fund hrang hrangte chu Mizoramin hma a lo sawn pui theih nan dik taka hmang thin turin a chah a. Sawrkar Department hrang hrang, VC leh NGO te chu tha taka thawkho turin a chah bawk a ni.
He thutkhawmah hian thutkhawm hmasa lama an thu rel bawhzui dan thlirho a nih bakah nikum leh tun financial year a Champhai District chhunga hmalakna hrang hrang awm te sawiho niin , harsatna awm te chin fel dan tur leh ruahmanna leh rawtna dang te siam a ni.
DRDA kal tlanga hna thawh Mahatma Gandhi National Rural Employment Guarantee Act (MGNREGA) hnuaiah kum 2015-16 chhungin Champhai District ah Job Card nei mi 28091 hnenah ni 73 chhung inhlawhna siamsak niin kum 2016-17 chhungin Job Card nei mi 28231 hnenah ni 37 chhung inhlawhna siamsak an ni bawk. Tun dinhmunah Job Card nei mi 28231 an awm mek a ni. UD&PA hnuaia Pradhan Mantri Awas Yojana (PMAY)- insak tanpuina Scheme a tanpuina diltu mi 3106 zinga mi 2125 te chu pawm an nih thu tarlan a ni a, dilna pawmloh te hi chhan hrang hrang vang niin chhungkaw dinhmun tha pangai leh Aadhar Card neiloh vang te an ni tlangpui tih tarlan a ni bawk.
Heng bakah hian Social Welfare Department hnuaia Social Assistance Programme hrang hrang te, PWD (PMGSY) hnuaia kawng siam zawh tawh leh la siam mek te, BDO hnuaia Border Area Development Programme te, PHE hnuaia water supply Scheme leh Swachh Bharat Mission a hmalak dan te leh Health & Family Welfare Department hnuaia District Jail a HiV+ vei te tana treatment lakna ART Centre chungchang te sawiho an ni a. Hemi bakah hian 2016-17 chhungin Champhai District a IMR 48 leh MMR 47.01 a nih thu report atangin a lang a, hei bakah hian Education Department in an harsatna tawh mek te sawiin a sutkian dan tur kawng te pawh rel a ni a, zirna kawnga Champhai District in hma alo sawn zel theih nan hmalak dan tur te sawiho a ni bawk.
Thutkhawm hi Champhai South bialtu Pu JH Rothuama ,Champhai North bialtu Pu TT Zothansanga leh East Tuipui bialtu Pu T. Sangkunga ten an telpui a, anni bakah hian Champhai District a Sawrkar hnathawk hrang hrangte, Village Council President te leh NGO ai awh te an tel tha hle a ni.
