488/2026-2027 

Champhai, dated 13th May, 2026: Vawiin chawhma dar 11:00 khan DC Conference Hall, Keifangtlangah Champhai District Disaster Management Authority (DDMA) meeting neih a ni a, Pu Lalbiakfela Addl DC-in a kaihruai a ni.

Chairman Pu Lalbiakfela chuan chhiatrupna hi engtikah nge a lo thlen dawn kan hre lo a, chuvangin fur ruahtui a lo tlak tak tak hmain kan inpuahchah lawk a ngaih thu a sawi a, Department hrang hrangte'n thawhhona tha neih a pawimawh a, chhiatna a thlen thulhah pawh a rang thei ang bera chetlak a nih theih nan inring renga awm a tul thu a sawi a, district mipuite pawhin mahni zawn theuha fimkhur tur leh sorkar hmalakna thlawp turin a chah a ni.

Meeting-ah hian kumin Fur ruahtui tlak tam laia chhiatrupna thleng thei—leimin, tuilian leh kawng ping awm thei laka rang taka chet lak a nih theih nan Department hrang hrangte mawphurhna leh fur laia hmanraw mamawh turte, relief material leh emergency service leh venhmina lam kaihhnawih hrang hrangte dinhmun chungchang sawiho a ni.

Vawiin Meeting-ah hian DDMA member-te an tel tha hle a ni.