911/2026-2027

Dated Champhai, 9th June 2026: Vawiin khan DC Chamber, Champhaiah District Election Officer (DEO) Pu Mohammad Aaquib chuan chanchinbu mite kawmin Special Intensive Revision (SIR) hnuaia hmalakna hrang hrang te a sawi.

Champhai DEO Pu Mohammad Aaquib chuan SIR hi Champhai District-ah chuan chak takin a kal mek a, May ni 30 atang khan Enumeration Form semchhuah tan niin Champhai hnuaia Assembly Constituency pathum - 23-Champhai North, 24-Champhai South leh 25-East Tuipuia electoral roll-a hming chuang zawng zawng hnenah sem chhuah tawh a ni tih a sawi a, Booth Level Officer (BLO) te tha takin an thawh avangin an fakawm hle a ni tih a sawi. BLO te hian Enumeration Form hi an khawn khawm mek a, heng hi digitization leh verification tih mek niin 40,688 digitize tawh a ni a, zaa 68.77 (68.77%) zawh tawh niin district-a zo hmasa ber a ni. Polling Station siamrem pawh kalpui tum a ni bawk a, heng zawng zawng hi hun bi ral hmaa zawh hman vek an in beisei thu a sawi bawk. Tun dinhmunah Champhai District-a booth pasarih - Pamchung, Keifangtlang, Chhungte, Hruaikawn, New Hruaikawn, Bulfekzawl leh Sazep ah te chuan Enumeration Form sem chhuah, lak khawm leh digitize hna chu an zo vek tawh a, hemi kawngah hian Mizoram puma a thawk tha ber an ni tih a sawi bawk. SIR hnathawhna hrang hrangah Election Officer te, Electoral Registration Officer te, Assistant Electoral Registration Officer te, Election Branch-a thawk te, BLO te, Addl. BLO te leh Booth Level Standing Committee te an thawhrimna leh an inpeknaah lawmthu a sawi a, chanchinbu mite pawh tha taka an puanzar zel avanga lawmthu sawiin hna dang tih leh tur pawh tha taka lo puanzar sak turin a ngen bawk a ni.

He hunah hian Addl. DC Pu Lalbiakfela, Election Officer Pu Ngulzathuama, SDO (Sadar) Dr. Peter Malsawmtluanga, SDC Pu Lalchhuanawma Ralte an tel a, Mizoram Journalists Association member thahnem tak an tel bawk.