910/2026-2027

Dated Champhai, 9th June 2026: Vawiin khan DC Conference Hall, Champhaiah Special Intensive Revision (SIR) kal meka tih tur tul hrang hrang inhrilhhriat nana buatsaih Voter Awareness Forum (VAF) chungchang inzirtirna Champhai pisa hrang hrang tan buatsaih a ni.

He hun hawn nan Champhai Bawrhsap Pu Mohammad Aaquib chuan thu sawiin inthlanna thil reng reng hi chu khua leh tui tha tan chuan ngaih pawimawh ngei ngei tur a ni tih a sawi a. Electoral Roll thara a tel thei zawng zawng an tel ngei theih nan VAF hnuaia ruat te chuan Enumeration Form dahkhah dan leh thehluh dan te hriat kim bakah midang thiam lo te zirtir tur an ni tih a sawi a, he training hi hlawk taka hmang tur leh thil pawimawh hriat reng tum turin a chah. Heng an thil zir te hi mahni thawhpui te, chhungte leh thiante hnena zirtir chhawng tha turin a chah bawk a ni.

He hunah hian Election Officer Pu Ngulzathuama leh Election Branch atangin Kawlhmingliani leh J. Lalthanmawia te'n SIR chungchang tlangpui te, form thehluh hun bi te, form thehluh zawha sawiselna emaw lungawilohna sawi hun tur te leh thil tul dang hrang hrang an zirtir a. Enumeration Form leh Declaration Form dahkhah dan chipchiar takin an sawifiah bawk a, zawhna leh chhanna hun hlawkthlak tak hman bawk a ni.