909/2026-2027

Dated Champhai, 9th June 2026: Vawiin khan DC Conference Hall, Champhaiah Champhai Bawrhsap Pu Mohammad Aaquib hovin kawthalo laka invenna beihpui, STOP DIARRHOEA Campaign kalpui dan tur sawi ho a ni.

He hunah hian Dy. Chief Medical Officer (CMO) chuan STOP DIARRHOEA Campaign an kalpui chhan te leh a thil tum te a sawi a, National Health Mission (NHM) hnuaia District Programme Manager Pi C. Lalramengi'n STOP DIARRHOEA Campaign 2026 chungchang hriattur hrang hrang PowerPoint presentation hmangin a sawi bawk. Tunkum hian June ni 16-ah he campaign hawnna neih a ni ang a, Govt. Primary School-I ah neih tum a ni. He campaign thupui chu "Kawthalo ven nan faina leh ORS a pawimawh" tih a ni a, inbuatsaihna hun (preparatory phase) hi June ni 1 atanga ni 15 a ni ang a, a hnathawh hun (implementation phase) hi June ni 16 atanga July ni 31 thleng a ni ang. Hemi hun chhung hian naupang kum 5 hnuai lam hnenah ORS leh zinc tablet pekchhuah te, Anganwadi centre, Health & Wellness Centre leh hmun dang dangah ORS leh zinc tablet lak theihna hmun siam te tum a ni. Hemi bakah hian YMA te, MHIP te leh sawrkar lamin uar takin faina pawimawh zia leh in vawn fai dan te an zirtirin an au chhuah pui bawk ang.

Chairman Pu Mohammad Aaquib chuan kawthalo (diarrhoea) in naupang tam tak tana harsatna a thlen tih hriat a tul tih a sawi a, he campaign hi tha taka kalpui a nih theih nan chanvo nei te chu theihtawp chhuah turin a chah a, danglamna an siam theih ngei a beisei thu a sawi bawk.

He hunah hian UD&PA department, Education department leh khawtlang hruaitu pawimawh te an tel a ni.