908/2026-2027

Kolasib, 9th June, 2026: Hon'ble Supreme Court of India-in Suo Moto Writ Petition (Civil) No.9 of 2025, ni 13.04.2026 a thuchhuak a siam bawhzuiin leh, 'The Control of National Highways (Land & Traffic) Act 2002' leh 'Gazette of India Extraordinary 2019' in thuneihna a pek angin, Commissioner & Secretary, Public Works Department, Highway Administrator/Authority ni bawk chuan Mizoram chhunga National Highway zawng zawngah a hnuaia tarlan te hi thu leh awm hma chu khauh taka zawm nghal turin thupek a chhuah:

1. Lirthei lian (heavy vehicles) emaw sumdawnna lirthei (commercial vehicles) reng reng National Highway kawngpuiah leh a sirah (paved shoulder) te  parking emaw din khap tlat a ni. An din theihna tura ruat bik hmun (designated bay, lay-bye emaw wayside amenity) ah chauh an ding/chawl tur a ni.

2. National Highway kawng huam chhung  ah dhaba thar, chaw ei dawr emaw sumdawnna hmun/in (commercial structure) reng reng sak thar emaw siam thar chu tun atang hian khap nghal tlat a ni.

3.  PWD atanga phalna (clearance) hmu hmasa lovin, department, thuneitu emaw tualchhung thuneitu (local body) ten Highway Safety Zone (kawngpui himna atana huamchin siam) chhunga hmun/hmunhma reng reng atan license thar, No Objection Certificate (NOC) emaw sumdawn phalna (trade approval) an pe chhuak tur a ni lova, a hlui pawh an renew sak tur a ni lo. Hetiang atana license pe chhuak tawhte pawh ni 30 chhungin endik (review) tha leh vek tur a ni.

4. National Highway tlan tlangna district tinah, Supreme Court Committee on Road Safety in ni 13.05.2026 a thupek a chhuah atanga ni 15 chhungin, a kaihhnawih Deputy Commissioner/District Magistrate ten District Highway Safety Task Force an din tur a ni.

5. State Police leh Transport Department thawktute tangkawpin National Highway viltu tur bik (Dedicated Highway Surveillance Teams) siamin uluk takin kawngpui hi an fangkual (patrol) thin tur a ni a, heng duty fangkual lirtheite inkar hlat zawng hi 50 Km aia hla a ni tur a ni lo.