Inthlan vuakvet avang leh Zu zawrh phalna March Ni 31, 2019-a tihtawp a lo nih tak avangin tunhnai hian India leh Myanmar ramri Zokhawthar leh Saikhumphai kaltlangin Zu leh dan in a phal lohte a ruka tawlhluh a hluar mek a, district thuneituten  hemi chungchang hi hriain theihtawpin hma an la a, chuti chung pawha  hetiang thil duhawmlo thleng a awm reng avang leh ramri kaltlanga inthlan dawna thil duhawmlo thleng thei venna turin Election Commission of India-in thuneihna a pek angin Champhai Election Officer Dr Naveen Aggarwal chuan Champhai District ramri International Border leh Inter State Border-te chu  vawiin atangin Lirthei engchimah  hmanga kaltlang phallohna  thu a chhuah a, hei hian Mihring ke a kalkai tur erawh a huam rihlo ang, amaherawhchu inthlan  hma nithum  karleh Thawhtanni April Ni 8 atanga  inthlan ni  April Ni 11  zawh hma chu  kharphui tlat niin, ke a kalkai pawh phalloh a ni tel bawk ang.