Vawiin chawhnu khan School Education Department chuan CENTA Teaching Professionals’ Olympiad -2018 WINNERS lawmna hun, Directorate of School Education Conference Hall-ah an hmang a, Pi Lalzarmawii, IAS, School Education Director-in he hun hi kaihruaiin Pi Esther Lal Ruatkimi, IRS, Commissioner & Secretary, School Education chu khuallian a ni.

Khuallian Pi Esther Lal Ruatkimi chuan CENTA TPO exam-ah zirtirtu 105 tel zinga 10-in lawmman an la thei hian Mizoram zirtirtute nep lohzia a pholang a ni, a ti a. Mizoram hian chhuan tur tam tak kan nei lo va, zirtirtu tha National Ranking-a lang kan nei hi a chhuanawm em em a ni, a ti bawk. He lawmman latute hi Mizoram zirnaa kan beiseina tinungtute an ni a, School thenkhat chanchinin rilru tihnual deuh thin mahse, CENTA TPO lawmman late hian a tiphur thar hle tih sawiin CENTA TPO-ah hian kumin hi kan bul tanna a ni a, tih leh hunah chuan Ranking-ah hei aia sang zawka kan lan theih a beiseiawm hie a ni, a ti bawk.

CENTA Teaching Professional Olympiad-2018 hi kum 2018 December ni 8 khan neih a ni a, Mizoram Govt. School Teachers atangin mi 105 in test an hmachhawn a, hemi zinga mi 10-in lawman an dawng a ni. Lawmman dawngtute hi:-

Category I: Winning Cash award and Certificate
1.    Rinhlunchhungi (Rs.5000/-),Govt. Comprehensive Model School, Model Veng (Rank 344)
2.    Dorothy Lalnunpari (Rs. 2000/-), StPaul’s HSS, Tlangnuam(Rank 531)
3.    RC. Ronihtlinga (Rs. 2000/-), Govt. MICE HSS, Venghlui

Category II: Winning Certificate only
1.    Deepak Basel, Govt. Gorkha H/S, Khatla
2.    Vanlalfeli, Govt. Durtlang P/S-1
3.    K. Lalzuimawia, Govt Muma M/S
4.    K.Vanlalngaii, Govt. Hunthar P/S
5.    Vanlalfaki Renthlei, Govt. Melthum M/S
6.    Susan Lalnuntluangi, Govt. Boys’ M/S, Sikulpuikawn
7. Arbin Chhetri, Tej Singh Gorkha H/S(Adhoc), Bawngkawn

CENTA hi Education Organization niin Bangalore-ah hmunpui an nei a, Teaching Professionals’ Olympiad an buatsaih hi India ram pum huapa intihsiakna hmanga zirtirtute chawimawina leh mi thiam bikte lawmmante pea kawng hawnsaktu a ni. He hmalaknaa bul tumtute chu Reliance Foundation te, The Hindu(Chanchinbu) te, Central Square Foundation te, Oxford university Press te leh Varkey Foundation te an ni a, India hmarchhak bikah CENTA TPO exam centre hi Guwahati leh Aizawlah chiah a awm a ni.