2358/2023-2024

Champhai the 18^th October, 2023 - Mizoram General Election, 2023-a Candidate leh party insenso chungchanga District level thuneitu Champhai District Expenditure Monitoring Committee chu vawiin khan an Chairman Champhai DC Pu James Lalrinchhana kaihhruaiin DC Conference Hall, Keifangtlang ah an thukhawm.

He hunah hian 23 Champhai North RO Pu M. Misael, 25 Tuipui East RO & Nodal Officer, Expenditure Monitoring Pu Lalrinawma, Champhai Additional SP Pu Lalmalsawma Hnamte, Election Expenditure Officials dangte leh party hrang hrang aiawhte an tel a ni.

Champhai DC Pu James Lalrinchhana chuan Champhai District-ah Candidate leh party insenso vil - Expenditure Monitoring chu uluk taka kalpui zel anih thu sawiin, Assembly Constituency tinah Flying Squad, Video Surveillance Team leh Static Surveillance Team-te duty chhuakin ngawrh taka hmalak anih thu a sawi a. Political party aiawhte chu District rate chart te lo in zirchiang tur leh an account te fel taka lo vawng tura chahin an hriatchian duh apiang Returning Officer-te hnenah emaw Expenditure Team ah thlen vat thin turin a chah a. Champhai District-ah inthlan felfai leh thianghlim tak neih anih theihnan Expenditure leh Model Code of Conduct chungchanga ECI inkaihhruaina te uluk taka zawm theuh turin a ngen bawk a ni.

Vawiin meeting-ah hian Champhai District rate chart en ho leh niin, rate siam belh ngai te sawihovin member te hian lungrual takin an pawm tlang a ni.