2359/2023-2024

Lawngtlai dated 18th October 2023: Lawngtlai district-ah MLA inthlanna felfai tak a kalpui a nih theih nan District Election Officer kalhhruaina hnuai a inbuatsaihna kalpui chhunzawm zel a ni a. Vawiin khan 36-Tuichawng, 37-Lawngtlai West leh 38-Lawngtlai East  Assembly Constituency chhung a Polling Station hrang hrang a Electronic Voting Machine sem chhuah dan tur bitukna, 1st Randomization of EVM/VVPAT chu Political Party hrang hrang aiawhte hma ah neih a ni a. He hun hi Pu Joseph H.Lalramsanga chuan MLA inthlanna nei tur a inbuatsaihna chu a felfaiin a langtlang a ni tih chian nan kawng hrang hrangah Political Party aiawhte hriatpuina leh telpuina a pawimawh thu a sawi a. Inthlanna chu mipui aiawh a rorel tur thlan chhuahna a nih angin kan khawtlang leh kan ram hmasawnna atan a ni tih hriain neitu nihna thinlung nen inthlan inbuatsaihna kawng hrang hrangah Political party aiawhte chu tel thin turin a sawm bawk a ni.

1st Randomization of EMV/VVPAT ah hian Polling Sytation 70 awmna 36-Tuichawng AC ah EVM 84 leh VVPAT 91 ruahman a ni a. Polling Station 69 awmna  37-Lawngtlai West AC ah EVM 83 leh VVPAT 90 ruahman niin Polling Station 42 awmna 38-Lawngtlai East AC ah EVM 51 leh VVPAT 55 ruahman a ni bawk a ni.

Vawiin vek hian Pu Chinlianmanga, SDO(C) Sangau, Nodal Officer, Election Training Management kaihhruaina hnuai ah Govt. Regional Higher Secondary School, New Vengpui, Lawngtlaiah MLA inthlanna kalpui chhung a Polling station-a mawhphurhna hrang hrang chang tur te hnen ah Training pek an ni bawk. Training hi Pu Chinlianmanga, SDO(C), Pu Collin Hlychho, BDO leh Pi Dorris Lalrinawmi, SDC-ten an pe a ni.