2337/2023-2024

Champhai the 16th October, 2023 - Vawiin khan Election Commission of India tirha Champhai District chhung Constituency pathum vil tura ruat Expenditure Observer Pu Abhishek J Jain, IRS, chuan Champhai DC Conference Hall-ah Expenditure Monitoring a taka thawktu tur team hrang hrang te a ko khawm a, meeting pawimawh tak a neih pui.

Expenditure Observer chuan election felfai, dik leh thianghlim a awm theihna turin MLA candidate tin te inthlana senso chuan cheng nuai 28 a pel tur a ni lo, tiin Election Commission of India chuan a bithliah a; hei hian a tum ber chu party lian leh hausa zawk te leh party te nau leh sum nei tlem zawk te pawhin inthlanah intluk tlang thei ang bera an inkhin theihna tur hmanrua a ni, a ti. Team hrang hrang te chu inpawh tlang taka thawk ho turin a chah a ni.

Meeting-ah hian Champhai DC&DEO Pu James Lalrinchhana, District Expenditure Monitoring Committee member-te, MCMC, Control Room, Media Cell, Flying Squad, Static Surveillance Team, AEO, Accounting team, Video Surveillance Team leh Video Viewing Team member-te an tel a ni.

Heng team hrang hrang te hi Election puan rual khan che chhuak nghlin, Champhai District-a election kaihhnawih inenso leh Model Code of Conduct te an vil a ni.

Expenditure Observer hova meeting neih zawh anih hnu hian Nodal Officer, Election Expenditure Monitoring Pu Lalrinawma hovin Expenditure Team te hian meeting an neih chhunzawm a.Team hrang hrang inkara tanrualna leh thawhhona tha zawk a awm theih dan tur te, Team te mamawh belh te leh chak zawka hmalak theih dan tur te an sawiho a ni.