2336/2023-2024

Khawzawl, 16th October 2023: Vawiin khan Khawzawl District Election Officer Pu K. Lalrohlua hovin Mizoram Inthlanpui 2023 lo awm tur a tan Polling Party 1st Randomisation neih a ni a. Randomisation hi tum thum neih tur niin 2nd Randomisation hi General Observer hova neih tur a ni a, 3rd and Final Randomisation hi vote thlak ni (poll day) atang chhiar leta ni thum (Poll Day - 3) ah neih leh a ni ang.

Tuichang AC huamchhungah hian Polling Station 28 a awm a; reserve-a awm te nen Presiding Officer (PRO) 35, Assistant PRO (APRO) 35 leh Presiding Officer 70 an awm. Hmeichhia vekin an vil tur ‘Pink Polling Station’ 3 - Khawzawl Kawngzar, Arro leh Zuchhip bakah thalai hlangin an vil tur ‘All Youth Manage Polling Station’ 1 - Khawhai I te a awm dawn a. Vawiin randomisation-ah hian Pink Polling Station leh All Youth Manage Polling Station tih loh Polling Station 24 a duty tur Computer hmanga thlan chhuah (randomise) a ni.