2335/2023-2024

Dated Saitual the 16th October 2023 : Vawiin khan Saitual District DC Conference room ah First Randomisation of polling parties neih a ni.

He hun hi District Election Officer Dr Lalngura Tlau chuan kaihruaiin Saitual District a MLA General election inpuahchahna ah langtlang taka thil kalpui chu an thil tum ber a nih avangin First randomisation ah hian a tlangpui in party te sawm thin ni lo mahse tun tum ah chuan party te sawm an ni, a ti.

Dr Lalngura Tlau, District Election Officer leh Saitual Bawrhsap ni bawk chuan Election process ah Polling official in daih loh a hlauhawm a, chuvang chuan theih anga tam in duty tur pawh thlan chhuah an ni, a ti. Political Party tin ten dinhmun in anga election an hmachhawn theih chu an ngai pawimawh hle a ni, a ti bawk.

Election Officer Pi Laldinfeli pawh in hriattur pawimawh te sawiin randomisation of Polling parties chu stage 3 in kalpui thin a ni, a ti a. 1st stage ah duty tura hming theh luh ho zawng zawng kha select anni anga, Second stage ah an kalna tur constituency te a hriat leh anga Third stage ah an kalna tur hmun tak an hre chauh dawn a ni, a ti.

Vawiin a Saitual District-a randomisation of Polling parties neih ah hian District Election Officer, Election Officer DIPRO, district informatics officer leh political party aiawh te an kal khawm a ni.