4187/2025-2026

Champhai, dated 28th January 2026: Vawiin khan Champhai District Fire Prevention Committee chu District Bawrhsap leh Chairman ni bawk Pu Mohammad Aaquib hovin DC Conference Hall, Keifangtlangah an thukhawm a, Pu Lalbiakchama, Member Secretary chuan kum 2026 chhunga hmalakna hrang hrangte a tarlang a ni.

Chairman Pu Mohammad Aaquib chuan kangmei chhuak venna kawnga tha thawh thintu department te, tlawngngai pawl hrang hrangte chungah lawmthu a sawi a, khua a ro leh ta hle a, kan nungcha, thing leh mau a chereuh loh nan leh kan tuihna te kangchah lohna turin thapui thawh a kangmei ti chhuak lo tura fimkhur turin district mipuite a sawm bawk.

He hunah hian Kum 2026–2027 atana hmalakna tur hrang hrangte sawiho a ni a, Fire Prevention Week hawnna hi February, ni 10, 2026-ah DIET Champhai (Zotlanga) neih tura ruahmanna siam a ni a, kangmei chhuak venna kawnga hmalakna tihchak dan turte, kangmei chhuak vennaa  hma la tha khuate hnenah chawimawina hlan leh mipuite hnena kangmei ti chhuak lo tura zirtirna leh kangmei chhuah palh thulha chetlak dan in zirtirna neih chungchangte sawiho a ni.