4188/2025-2026

Kolasib, 28th January, 2026: Vawiin khan Krishi Vigyan Kendra (KVK) Conference Hall, Kolasib-ah 16th Scientific Advisory Committee (SAC) meeting neih a ni a. He hunah hian Kolasib District chhunga loneitute tana hmalakna tur hrang hrangte sawiho niin, kum 2025 report leh 2026 Annual Action Plan thlirho a ni.

Thutkhawmna hi Pu B. Ramnunsanga, Additional Director, Agriculture & Farmers Welfare Department chuan a kaihruai a. He hunah hian KVK Kolasib-a Subject Matter Specialist (SMS) hrang hrangten kum 2025 chhunga an hmalakna report pe in, kum 2026 chhunga hmalakna tur an ruahmanna (Action Plan) te presentation an pe a, SAC member ten uluk taka an sawiho hnuah an pawmpui a ni.

Dr. Michelle C. Lallawmkimi, Sr. Scientist & Head, KVK Kolasib chuan kum 2025-26 chhunga KVK Kolasib hmalakna tlangpui report a pe a. Dr. Michelle-i chuan KVK Kolasib-in farmer-te tana thlai chin tur leh a enkawl dan an zirchianna hrang hrangah hlawhtlinna an hmuh dante a tarlang a. Abikin, kum 2025 chhunga an zirchianna (trial) hrang hrang zingah, hriak ei chi tharchhuah theih nana 'Nihawichi' hlawhtling taka an enchhin thu a sawi a. A hriak pekchhuah pawh a that thu tarlangin, kuthnathawktute tan chin pun tlak leh hlawkna hmuh theihna tur a nih thu a sawi lang bawk.

He hun hmanpuitu Pu K. Laltlanmawia, Deputy Director (Planning & Monitoring), Agriculture & Farmers Welfare Department pawhin thu sawiin, KVK dinhmun leh hmalakna hrang hrangte a tarlang bawk a ni.

SAC meeting-ah hian sorkar department hrang hrang aiawh te, kuthnathawktu hruaitute leh mithiamte an tel a ni.