No.3704/2021-2022 

Aizawl, the 17th January 2022: Financial Year 2022-2023 chhunga Centrally Sponsored Scheme Pradhan Mantri Matsya Sampada Yojana (PMMSY) kaltlanga Champhai District chhunga Sangha khawi tihhmasawnna tura ruahmanna duan lawk, Champhai District Fisheries Action Plan zirchianna chu vawiin chawhnu khan Bawrhsap Pi Maria C.T Zuali hovin DC Conference Hall-ah neih a ni a, ngun taka ngaihtuaha zirho a nih hnuah Champhai District Fisheries Action Plan for Financial Year 2022-2023 chu pawm a ni a. State Level Meeting a ngaihtuah tura thawn leh tur a ni ang.   

Bawrhsap Pi Maria C.T Zuali chuan Financial Year 2022-2023 atana Champhai District Fisheries Action Plan peihfel a ni chu lawmawm a tih thu sawiin, Sangha tam zawk thar chhuak thei tura theihna nasa tak nei Champhai District-ah Sangha thar chhuah tam leh sawngbawl kawnga tanlak a tul hle  a ni,  a ti a.  Action Plan tha tak buatsaih a ni chu fakawm a tih thu sawiin, Sangha khawitute chu tam zawka thar chhuak thei tura tanla sauh sauh  tur leh mithiam zawkte rawn hrehlo turin  achah a ni. 

He hunah hian Pu Lalhmunsanga, DFDO Champhai & Member Secretary, PMMSY District Level Committee chuan Champhai District Fisheries Action Plan buatsaih a nih dan leh ruahmanna siam tlangpuite a sawifiah a. Pradhan Mantri Matsya Sampada Yojana (PMMSY) kalpui turin sawrkar lamin senso za zela 60 leh mimalin senso za zela 40 an tum thin thu a sawi a. Sawrkar sen ngai atanga za zela 90 chu Sawrkar laipui tum tur niin, za zela 10 chu State sawrkar tum tura tih a nih thu a sawi bawk.   

Champhai District Fisheries Action Plan 2022-2023 ruahman dan chuan hmalakna tura ruahman atanga senso ngai zat Total Project cost hi cheng nuai 262.49 a ni a, Cluster Based Location anga kalpui tum niin Dil thar (New Pond) Hectare 10 a zau siam nan cheng nuai 124 ruahman a ni a, Khungleng, Leisenzo, Sesih, Tualcheng, Hnahlan Lailiphai-te chu hmalakna tura tin zawn chhin  a ni a. Sangha note khawina (Nursery/Rearing Pond) Hectare 10 a zau siam nan cheng nuai 110 ruahman chhin niin, Champhai zawl, Tlangsam, Zotlang, Mualkawi leh Ruantlang-te chu hmalakna tura tin zawn chhin a ni. Sangha leh buh emaw, ran emaw enkawl kawpna (Integrated Fish Farming) kalpui nan ram Hectare 25 a zauah cheng nuai 25 senga hmalak tum a ni a, Champhai Town Area chhunga WRC Area-te chu hmalakna tura tin zawn chhin a ni bawk. 

Fisheries Department, Champhai tarlan danin tun dinhmunah DFDO Champhai District enkawl Champhai leh Khawzawl District huam chhungah Sangha khawitu (Fish Farmer) 1810 inziaklut an awm a, Sangha Dil (Fish Pond) Hectare 493.75 a zau an enkawl mek a ni. 

Attachment

  • Loading attachment...