4884/2025-2026

Champhai, dated 17th March 2026 : Vawiin chawhma dar 11 khan Champhai District Headquarters Land Committee chu Bawrhsap Pu Mohammad Aaquib hovin Champhai DC Conference Hall-ah an thukhawm. He hunah hian Champhai khawpui huam chhunga House Pass, Periodic Patta, Miscellaneous Land Lease leh Land Lease dilna lut 233 te chu uluk taka ngaihtuah ho a ni.

Thutkhawm kaihruaitu Pu Mohammad Aaquib chuan kalkhawmte inlawmna thu sawiin, Champhai khawpui tan hmathlir thui tak nei chunga rorel a tul tih a sawi. Champhai chu khawpui nuam a nih reng theih nan ngaituahna seng turin kalkhawmte chu a sawm a ni.

Pi Lalruatpuii Hnamte, Settlement Officer & Member Secretary, Champhai Champhai District Headquarters Land Committee chuan he hunah hian Champhai khawpui veng 19 atangin dilna 233 (House Pass , Periodic Patta , Land Lease, Miscellaneous Land Lease)a luh thu a tarlang a. Land Committee-a ngaihtuah tura chhawpchhuah ram te chu Village Council, ram diltu leh a ram ri neitute nen teh thin a ni a, hei bakah hian Revenue Department-in technical checking uluk takin an nei thin a ni, a ti a. Heng dilna hrang hrang hi committee chuan ngaihtuahin 222 chu a pawm a ni.

Vawiin Champhai District Headquarters Land Committee thutkhawmah hian Line Department hotute, Village Council, Prominent Citizen leh Political Party aiawhte an tel a ni.