4883/2025-2026 

Champhai, dated 17th March 2026 : Vawiin khan khawvel hmun hrang hrangin World Consumer Rights Day 2026 an hman rualin I&PR Auditorium Champhaiah pawh hman ve a ni a. He hun hi Pu R. Lalmuankima DCSO, Champhai-in a kaihruaia, Pu James Lalnithanga Addl. Deputy Commissioner Champhai-in tel puiin thusawina hun a nei.

Addl. DC Pu James Lalnithanga chuan mipuite chu consumer vek kan nih thu leh consumer kan nihna anga kan right te kan hriatchian a ngaih thu a sawi a. A bik takin Champhai District chu border area a awm a nih avangin mipuiten kan thil lei leh hralh kawngah consumer in chanvo hrang hrang kan neih te kan hriatchian zual a ngaih thu a sawi bawk a ni.

He hunah hian Resource Person atan Pu Zoliansanga Chhangte, Advocate chu ruat niin, a ni hian World Consumer Rights Day 2026 thupui “ Safe Products, Confident Consumers” tih hmangin kalkhawm te hmaah thusawina hun a nei bawk a ni.