Vawiin chhun khan Champhai District IPRO thar Pi Emily Lalrinpuii chuan a office chamber-ah Mizoram Journalists’ Association (MJA) Champhai District member te chu thingpui in puiin, Information & Public Relations Department leh MJA member ten thawhhona tha tak an neih theih dan turte an sawiho.

IPRO Pi Emily Lalrinpuii chuan I&PR Department leh media mite chu thawhhona tha tak nena kaltlang a, chumi tur atan chuan inpawh tak leh inzahtawn taka thawhho a ngaih thu leh a beisei thu a sawi a ni.

He hunah hian MJA hruaitute chuan Champhai-ah Information Officer lo awm tawh te leh MJA, Champhai District chuan thawhhona tha tak an lo nei tawh thin thu leh, an neih zui leh ngei an beisei thu an sawi a. Information & Public Relations Department chu Journalist-te tana nu leh pa an nih thu leh inpawhtlang taka kal ho zui zel a duh thute an sawi bawk a ni.

Vawiin inkawmhona hun ah hian MJA Champhai District member te leh local cable firm aiawhte an kal tha hle a, IPRO tharin anmahni ngai pawimawh a hun tha tak a siam sak chu MJA member te chuan lawmawm an tih thu an sawi bawk.