3878/2023-2024

19.02.2024 : Vawiin khan District Legal Services Authority, Champhai buatsaihin Champhai District Jail-ah Mental Health Camp neih a ni.

DLSA, Champhai Secretary Pu V Vanlalhriata chuan Lung ina tang mek zingah rilru lama harsatna neite’n dan anga enkawlna an dawn theihna tura Mental Health Camp buatsaih a nih thu sawiin Lung ina tang mekte chu an rilru hriselna endiktute lakah inthlahrung hauh lo a, an harsatna te thlen turin a chah a.

Champhai District Jail Superintendent Pu Lalthuthlungropuia chuan DLSA in Lung ina tangmekte an ngaipawimawh chu lawmawm a tih thu sawiin Mental Health Camp chu tangkai taka hmang turin Lung ina tang mekte chu chahin rilru put hmang dik nei a, Lung ina tan nawn leh ngai tawh lo tura an rilru siam thar turin a chah bawk.

Pi Vanlalmuani Pachuau, Clinical Psychologist chuan Champhai District Jail-a tang mekte’n zawhna an chhanna atanga an lan danin lung ina tang mek zinga mi 60 in rilru lamah harsatna an nei niin a sawi a, rilru a hrisel loh chuan taksa hriselna nasa takin a nghawng a, taksa ral dotu thlengin a tichak lo thei tih sawiin taksa hriselna tluk zetin rilru hriselna ngaihpawimawh a tul thu a sawi a, Rilru hrisel lohna thlen theitu leh a tihreh dan kawng hrang hrangte a sawi bawk.

Vawiin hian Champhai District Jail-a tang zinga rilru lama harsatna neite chu an hriselna endiksak an ni. District Legal Services Authority, Champhai buatsaih vekin ni 21 atanga ni 23 February, 2024 theng Skill Development Training an nei nei dawn bawk a ni.