3879/2023-2024

Lawngtlai dated 19th February 2024: Vawiin chhun khan Pu Abraham Beirazi Khithie, Addl. DC, Lawngtlai pisaah MP Election neih tur atan a inbuatsaih nan District Media Certification & Monitoring Committee member-te chuan thutkhawmna an nei a. 2023-a MLA inthlanna kalpui chhung a hmalakna te thlirlet a ni.

Thutkhawmna ah hian Election Commission of India-in Model Code of Conduct a puan hnu a Political Party hrang hrang ten Electronic Media kaltlang a fakna (Advertisement) an chhuah chungchang a inkaihruaina a siam te sawi ho niin heng inkaihhruaina te hi Political party-te hnen ah zirtirna hun buatsaih ni se tih rel a ni a. Electronic Media bak ah Pamphlet, Poster leh Banner tar phalna pek chhuah hma in Media Certification neih hmasak a tul thu te sawi a ni. 2023 MLA inthlanna kalpui chhung khan Lawngtlai district MCMC chuan Political Advertisement chhuah dilna 11 dawngin Newspaper Advertisement 19 a ziaklut bawk a ni.

Vawiin thutkhawmna ah hian MCMC mawhphurhna hrang hrangte inhrilhhriat leh niin inthlan boruak ralmuang leh thianghlim a awm theih nan Electronic Media/ Social Media hmansualna thleng tur ven leh thlitfim hna thawk tur an nih thu tarlan a ni a. Political Advertisement hmang a inthlanna senso chhinchhiahna hmanraw pawimawh tak a nih thu sawi a ni bawk. Thutkhawmna hi Pu Abraham Beirazi Khithie, Addl. DC-in kaihruaiin Pi Rochuangkimi Khenglawt, PD, DRDO, Pi Margaret J.Vanlalremmawii, SDO (S), Pu Denny Lalchhuanawma, EO, Pu Hmingthanzuala, DIPRO, Pu Elvis Lalthangzuala, President, MJA leh Pu Lalngheta Ralte, Treasurer, MJA-te an tel a ni.