3880/2023-2024

Khawzawl, 19th February 2024: Vawiin chawhma khan Khawzawl Bawrhsap Pu K. Lalrohlua kaihhruaiin Khawzawl District Cooperative Development Committee (DCDC) chu DC Meeting Hall, Khawzawl Dintharah an thukhawm a. DCDC mawhphurhna hrang hrang te bakah District chhunga Cooperative Society-te tih hmasawn leh tih chak zel dan tur te an sawi ho a ni.

Vawiin meeting-ah hian Khawzawl District chhunga khaw pahnih - Rabung leh Tualte khuaah te Primary Agriculture Credit Society (PACS) changtlung taka kalpui mek a nih thu tarlan a ni a. Biate, Kawlkulh, Chawngtlai, Tualpui leh Dulteah te pawh PACS hi din tuma hmalak mek a ni tih tarlan niin, PACS an indin fel hnuah Cooperative Society chungchang chu khawtlang huapa inzirtirna neih ni se tia rel a ni.

Meeting hian PACS/ Farmer Service Society (FSS)/ Large Area Multipurpose Cooperative Society (LAMPS) ten hmunhma an mamawh anih chuan, an dilna te lo ngai pawimawh turin Khawzawl DC Office-in VC tin te hnenah ngenna siam se tiin a rel a. Cooperative Society anga hmasawnna ruhrel din mamawh an awm anih chuan Bawrhsap pisa kaltlanga remchang dap sak ni se, tiin an rel bawk.

Meeting-ah hian DCDC thuneihna leh mawhphurhna hrang hrang te thlir ho a ni a. DCDC hi Cooperative Society (PACS, LAMPS, FSS) te hnena Fair Price Shop License pe thei tura thuneihna pek a nih angin, concern department (District Civil Supplies Office) in Pilot Project atan FPS License pek tur society pakhat lo ngaihtuah se tiin thu dah a ni. Cooperative Society ten Sawrkar Laipui scheme haichhuah an duh chuan Detailed Project Report (DPR) siam kawngah DCDC-in a puih theih thu meeting-ah hian tarlan a ni bawk.

Vawiin thutkhawmah hian  Khawzawl DCDC member te an tel tha hle a ni.