3881/2023-2024
Khawzawl, 19th February 2023: Khawzawl Bawrhsap Pu K. Lalrohlua chuan Section 133 CrPC, 1973 in thuneihna a pek angin, vawk hrileng mek laka Khawzawl District a fihlim theih nan khuahkhirhna thupek February ni 14, 2023 khan a tichhuak.
Tun hnai hian Champhai District huam chhunga African Swine Fever (ASF) natna chu leng mek ni a hriat a nih avangin, he hri laka kan fihlim theihna turin a hnuaia târlan ang hian khuahkhirhna thupêk chhuah a ni.
Kei, K. LALROHLUA, DISTRICT MAGISTRATE, KHAWZAWL DISTRICT chuan Section
133 CrPC, 1973 in thuneihna min pêk angin a huaia thupêk hi ka chhuan e:
1. Khawzawl District huam chhungah India ram pawn atang leh District dang atangin vawk, vawksa leh vawksa atanga siam thil rêng rêng lâk luh leh thawn chhuah phal a ni lo.
2. Tualchhung Vawk talh tur rêng rêngin Vawk hrisel tha ngei a ni tih finfiahna Competent Authority atangin an nei ngei tûr a ni.
3. Vawk damlo nei rêng rêng ten a rang thei ang berin District Vety Hospital-ah emaw VC te hnenah emaw report thin tûr a ni.
4. Vawk thi rêng rêng paih mai lovin thuk takah phùm thin tûr a ni.
5. Vawk neituten Vawk damlo an hralh/talh tûr a ni lo.
He thupêk zawm lote chu IPC Sec. 188 hmang hrem theih an ni ang. He khapna thupêk hian thupêk dang tih chhuah a awm a nih loh chuan, thupêk chhuah a nih atanga thlahnih chhung a huam ang.
He thupêk hi vawiin Ni 14 February, 2024 hian District Magistrate Seal nemin ka hming ka ziak hnan e.
