I&PR Department buatsaih  Champhai District Chanchinbumite puala Sawrkar hmalakna project tlawha zirchiang mek Press Study tour  team chuan Kawlbem Small Hydel Project, Chiahpui, Khawkawn leh NE Khawdungsei khuaten nizung tha chakna hmanga tuilakna an intawm tur  leh Ngopa Thingpui  sawngbawl dante an tlawhin an zirchiang.

Champhai District Media Press Study Tour DIPRO Champhai Dr Lallawmkima  hova kalte hian nimin lam khan NABARD (loan) Sum Velbelchhe 49.6 hmanga Leiva tui tha chakna hmanga kum chanve chhung Kawlphetha MW 4 pe chhuak thei tur Kawlbem Small Hydel Project Kawlbem Mini Hydel Project an tlawh a. Press Tour team te hi Er  C.Lalsangliana,  SDO-II, Hydel Project Sub Station, Ngopa leh a thawhpuiten lo dawngsawngin department hna za zela 92 thawhzawh anih tawh thu leh  hnathawh hmabak awmte an lo hrilhfiah a. Leiva lui hi meter 12 a sang, meter 24 a thui  RCC a khuah niin,  Tui km 3 a thui,  a vang meter 200 a zau a khuap tling dawn a. Tuikhuah atanga tuidahkhawlna (Forebay) thleng tuilak (channel) thui zawng hi Meter 3690 niin, tuikhuah leh (Forebay) insan hleihna hi meter 4 vel a ni thung a. Tui dahkhawlna (Forebay) atanga tuikhawhvirtu khawl (turbine) thui zawng hi meter 465 a ni bawk.

Vawiin lamah  NE Khawdungsei, Chiahpui leh Khawkawn khaw chawmtu tur tui lakna Chiahpui khawbula NABARD (RIDF-XXIII) sum cheng vaibelchhe 8.48 leh State Matching share  cheng vaibelchhe 0.94 senga siam mek combined Chiahpui,NE Khawdungsei & Khawkawn (Solar Pumping)  Water Supply Scheme hna thawh dan leh nizung tha chakna hmanga pump chhuahna tur te tlawhin an zirchiang a, he hunah hian Chanchinbumite hi Er. Lalsawmliana Hauhnar, SDO PHE Ngopa leh Chiahpui khawtlang hruaituten lo dawngsawngin hnathawh dan leh ruahmanna te enpuiin an hrilhfiah  a. Tui lakna tur hi Khiangatui leh Sinai te an ni a, dahkhawlna zem lian a dah hi  nizung tha chakna hmanga pump tur niin raw pumping head hi  metre 133  a ni a, Clear Pumping head hi Chiahpui tan metre 77 ,  NE Khawdungsei  tan metre135  leh Khawkawn  tan metre 200  te a ni. Hemi hnu hian Ngopa Thingpui huan tlawhin thingpui sawngbawl dante an zirchiang  a ni.

Champhai District Chanchinbumite chuan sawrkar hmalakna hrang hrang an tlawhna atanga landanin Sawrkara department te  hnathawh chu tha thawkhata an hriat thu leh an thawhpui company te nen hna a khaihlak loha project a hun taka zawh anih theihna tur leh chhawr theiha peihfel anih vat theihna tura thawhhona tha zawk leh chak zawk awm chu  pawimawh ni a an hriat thu an sawi a. Sawrkar hmalakna hmanga Press Study Tour buatsaih thin  chu hlawkthlak  an tih thu an sawi bawk.