Directorate of AYUSH leh Department of Youth Affairs and Sports buatsaihin 5th International Day of Yoga, 2019 chu Assam Rifles Lammual, Aizawl-ah hman a ni. Chief Secretary Pu Lalnunmawia Chuaungo in he hun hi a hmanpui a ni.

Assam Rifles, Army, CAPFs, Police, NCC Cadets leh Mizoram Sawrkar hnathawk te bakah NGO leh zirlai mi 1860 vel he hunah hian an tel a, hemi rual hian Indo-Myanmar ramri post ah mi 850 velin International Day of Yoga hi an hmang bawk a ni.

Vawiin hun lo urlawk nan hian Assam Rifles chuan kar hnih chhung Aizawl-ah Yoga Workshop a lo buatsaih tawh a ni.