Champhai District chhunga BRTF hnuaia kawng siam hnathawh chungchangah vawiin khan Champhai DC Pu Zoengsanga hovin 74th RCC BRTF hotute leh PWD SDO bakah tlawmngai pawl hotute leh Champhai District chhhunga VCP-te Champhai DC Conference Hall-ah an inhmukhawm.

Pu Zoengsanga chuan kawng tha tak neih theih nan leh khaw mipuite tana thil tha ber siam theih nan thahnemngai takin, insawisel lova thawkho tlang zawk turin kalkhawmte chu a sawm a. Kawng thatloh avanga mipuiten harsatna an tawh thin zia sawiin, thal hnathawh theih hun laia thawh belh tur awm pawh hmalak a beisei thu a sawi a ni.

Vawiiin meeting-ah hian nikum Kanan Veng leimin na hmun a retaining wall siam te, Khawzawl leitlahniam te, Khankawna kawngsiam mek leh Zotlang-a BRTF camp pan na kawng (approach road) chungchangte sawiho a ni a. Mipui lama harsatna leh duhthu sam lohnate sawilan niin, BRTF hotute chuan tha leh rang zawka hma lak an tiam bawk a ni.