4631/2024-2025

Champhai, 13th March 2025: Vawiin chawhma dar 11 khan PM Surya Ghar: Muft Bijli Yojana (Rooftop Solar) Scheme atana District Level Committee for Champhai District chu an Chairman Bawrhsap Pu Mohammad Aaquib hovin DC Conference Hall, Keifangtlangah meeting neih a ni a. Scheme kalphung inhrilhfiahna leh Scheme in a ken tel hrang hrang sawihona leh hmalak zel dan turte rel a ni.

He hunah hian Member Secretary Er. M. Lalhmingthanga, Superintending Engineer, Champhai Power Circle chuan Scheme chungchang sawifiahna hun a hmang a, he mi zawh hian PM Surya Ghar Scheme atana District Nodal Officer, Er. Lalremtluanga, Executive Engineer, Power Project Division chuan Scheme chungchang powerpoint presentation a pe bawk a ni.

PM Surya Ghar: Muft Bijli Yojana (Rooftop Solar) Scheme hi February ni 29, 2024 khan Sawrkar laipui chuan a tlangzarh a. India ramchhunga chenna in vaibelchhe 1 (nuai 100), a duh apiangte hnenah subsidy hmanga mahni inchunga Rooftop Solar System bun duh te tan dil theih tura duanchhuah leh ruahman a ni. Central Subsidy bakah Mizoram Sawrkar pawhin he Scheme hi a pawimawh zia hriain state subsidy pek a lo remti tawh bawk a ni. PM Flagship Programme a nih angin chhungkaw harsa deuhte tan pawh Bank loan pawh awlsam taka lo pe turin Bank zawng zawngte pawh hriattir an ni tawh bawk a ni.

Ṭhutkhawmah hian Champhai District atang he scheme diltu la tlem zia leh a tam thei ang berin he Scheme atanga hamṭhatna awmte an chhawr ve theih nan ṭan lak nasat a tul zia pawh tarlan a ni.

He meeting ah hian District Level Banker Committee aiawh bakah Champhai chhunga Power & Electricity Department officials,  Sub Headquarters YMA, MHIP leh Joint VC aiawhte an tel a ni.