4630/2024-2025

Dated Mamit the 13th of March, 2025 : Vawiin khan DC Office, Taitesena Bukah, tunlai thiamna hmanga loneitute hmasawnna hna kalpuina kawnga hmalakna tur Digital Agriculture Mission hnuaia Land Aerial Drone Survey kalpuina atana inbuatsaihna dan tur Pu K. Laltlawmlova, District Bawrhsap kaihhruaina-in sawiho a ni.

Vawiin thutkhawmnaah hian tunlai thiamna hmanga loneitute hmasawnna hna thawhna kawnga Sawrkar Laipui atanga district thlan bik kan nih anga Land Aerial Drone Survey kalpuina tura department hrang hrangte thawhho a tul dan sawiho a ni, he mi survey neihna tura tul hrang hrang sawiho zingah Revenue Department nena thawhho tulna te tarlan a ni a, tunlai thiamna hman tangkaina tura thil thar anih angin loneitute leh department-te thawhhona tha a tul dawn avangin District Administration atanga kutken bik awma hmalak a ngaih dante sawi a ni bawk.

Pu Simon Rosangliana, Asst. Director, Agriculture Department chuan Digital Agriculture Mission hnuaia Land Aerial Drone Survey chungchanga hriattur hrang hrangte, Sawrkar Laipui atanga Mizoram chhung district thlanchhuah Serchhip, Kolasib-ah te kalpui a nih tawh dan leh Mamit district  chhunga kalpuina tur atana department leh farmers te lo inbuatsaihna tur, hmanraw changkang leh awlsam zawka loneitute tih hmasawnna tur hrang hrang chipchiar takin a lem nen a tarlang a ni.

Vawiin thutkhawmnaah hian Pi Lalengzami, Jt. Director Agriculture bakah Aizawl lam atanga Agriculture Department Officials-te leh Mamit atangin Sawrkar officials te a tel a ni.