4629/2024-2025
Kolasib Dated 12th March 2025 : Vawiin chawhma dar 11:00 khan Kolasib DC Conference Hall-ah District Consultative Committee (DCC) te’n Special DCC Meeting & District Level Review Committee (DLRC) for Quarter Ended December 2024 an nei a. He hun hi Pu Robert C. Lalhmangaiha, Kolasib Deputy Commissioner leh District Consultative Committee Chairman ni bawk chuan a kaihruai a ni.
Pu Robert C. Lalhmangaiha chuan District Consultative Committee (DCC) chu Banker leh Sawrkar tangkawpin sum leh pai dehchhuah leh hman kawnga mipuite an tanpuina pawimawh tak a nih thu a sawi a. Quarter tina DCC Meeting leh District Level Review Committee(DLRC) neih thin chu a hlawktlak thu sawiin, he huna Kolasib District chhunga Bank hrang hranga hotu leh Bank lama Sawrkar Allied Department hotu kal khawmte chu mipui leh ram hmasawn nan hna pawimawh tak an thawk a ni tih hria a, an hnathawhah theihtawp chhuah zel turin fuihna thu a chah a ni.
Pu PC Lalnunpuia, Lead District Manager chuan he hunah hian District Consultative Committee Agenda-te sawizauna hun a hman bakah, October 2024 atanga December 2024 chhunga Kolasib District chhunga DCC hnuaia Bank hrang hrangte hmalakna tarlanna hun a hmang a . Vawiina Kolasiba DCC Meeting neihah hian Kolasib District chhunga Financial Literary kalpui dante, khawtlanga mi chanhai leh hnufual zawkte dawmkan dan turte, 100% Digitization kalpui dan turte, Loneitute leh Ranvulhte hamthatna turte leh Central leh State Sawrkar hnuaia sum kaihhnawih Scheme hrang hrang mipuite hnena tha taka a thlen dan turte sawihona hun neih a ni a. Tun dinhmunah Kolasib District chhungah Bank 14 awmin, an hnuaiah hian Branch engemaw zat an awm bawk a ni.
Vawiin Kolasiba DCC Meeting neihna hian Pu Sumit Mandal, Lead District Officer, Pu JD Traite, District Development Manager, NABARB, Pu Lalmuanpuia, Project Director, DRDA-te bakah Sawrkar Allied Department atangin Agriculture, Veterinary, Fisheries, Sericulture Department hotute leh Kolasib District chhunga Bank hrang hranga hotute kim takin an kal thei a ni.
